പരിക്ക് മൂലം ടാമി എബ്രഹാമും റാംസ്ഡേലും അടക്കമുള്ളവർ ഇംഗ്ലണ്ടിൽ ടീമിൽ നിന്നു പിന്മാറി

വരുന്ന അന്താരാഷ്ട്ര സൗഹൃദ മത്സരങ്ങൾക്കുള്ള ടീമിൽ നിന്നു പരിക്കേറ്റ ഇംഗ്ലണ്ട് താരങ്ങളെ ഒഴിവാക്കി. ആഴ്‌സണൽ ഗോൾ കീപ്പർ ആരോൺ റാംസ്ഡേലിന് പകരം വെസ്റ്റ് ബ്രോമിന്റെ സാം ജോൺസ്റ്റോൺ ടീമിൽ ഇടം പിടിച്ചു. അതേസമയം റോമയുടെ ടാമി എബ്രാമിനു പകരക്കാനായി ആസ്റ്റൺ വില്ലയുടെ ഒലി വാകിന്സ് ടീമിൽ ഇടം കണ്ടത്തി.

പ്രതിരോധത്തിൽ പരിക്കേറ്റ ലിവർപൂൾ വലത് ബാക്ക് ട്രെന്റ് അലക്‌സാണ്ടർ അർണോൾഡും ചെൽസിയുടെ വലത് ബാക്ക് റീസ് ജെയിംസും ഇംഗ്ലണ്ട് ടീമിൽ നിന്നു ഒഴിവാക്കപ്പെട്ടു. പകരം സൗതാപ്റ്റണിന്റെ യുവതാരം കെയിൽ വാൽക്കർ-പീറ്റെഴ്‌സും ക്രിസ്റ്റൽ പാലസിന്റെ യുവ താരം ടൈയിരിക് മിച്ചലും ടീമിൽ ഇടം കണ്ടത്തി.