ഇംഗ്ലണ്ട് പേസര്‍മാരും സീനിയര്‍ താരങ്ങളുമായ ജെയിംസ് ആന്‍ഡേഴ്സണെയും സ്റ്റുവര്‍ട് ബ്രോഡിനെയും പുറത്താക്കിയ ഇംഗ്ലണ്ട് സെലക്ടര്‍മാരുടെ തീരുമാനത്തിൽ തനിക്ക് സന്തോഷമുണ്ടെന്ന് പറഞ്ഞ് മുന്‍ ഇംഗ്ലണ്ട് നായകന്‍ മൈക്കൽ വോൺ.
ആഷസിലെ മോശം പ്രകടനത്തിന് ശേഷമാണ് കോച്ചിംഗ് സ്റ്റാഫിലും സ്ക്വാഡിലും മാറ്റുവാന്‍ ഇംഗ്ലണ്ട് ബോര്‍ഡ് തീരുമാനിച്ചത്. സീനിയര്‍ പേസര്‍മാരില്ലാതെ ഇംഗ്ലണ്ട് പുതിയ ഒരു തുടക്കത്തിന് ശ്രമിക്കുന്നത് നല്ലതാണ് എന്ന് വോൺ വ്യക്തമാക്കി.
നീണ്ട കാലത്തേക്കുള്ള പദ്ധതിയെന്ന നിലയിൽ ഈ സീനിയര്‍ താരങ്ങള്‍ അല്ലാതെ മറ്റു ഉപാധികള്‍ ജോ റൂട്ട് ചിന്തിക്കണമെന്നും മൈക്കൽ വോൺ സൂചിപ്പിച്ചു.
