സ്വിറ്റ്സർലാന്റ് താരം ഷെർദൻ ഷഖീരി ലിയോൺ വിട്ടേക്കും. ലിവർപൂൾ വിട്ട് ലിയോണിൽ എത്തിയ താരം ഇപ്പോൾ എം എൽ എസ് ക്ലബായ ചിക്കാഗോ ഫയറുമായി കരാറിൽ എത്തിയതായാണ് റിപ്പോർട്ടുകൾ. ലിയോണ് ഈ ട്രാൻസ്ഫറിൽ 7 മില്യൺ ഡോളറോളം ലഭിക്കും. താരം ഉടൻ തന്നെ അമേരിക്കയിലേക്ക് പോകും.
മൂന്നു വർഷത്തോളം ലിവപൂളിനൊപ്പം ഉണ്ടായിരുന്ന താരം അവിടെ അവസരം കുറഞ്ഞത് കൊണ്ടായിരുന്നു ക്ലബ് വിട്ടത്. ഇംഗ്ലണ്ടിൽ സ്റ്റോക് സിറ്റി, ജർമ്മനിയിൽ ബയേൺ മ്യൂണിച്ച് എന്നിവർക്ക് വേണ്ടിയും ഷഖീരി മുമ്പ് കളിച്ചിട്ടുണ്ട്. സ്വിറ്റ്സർലാന്റിനൊപ്പം നൂറോളം മത്സരങ്ങൾ കളിച്ചിട്ടുള്ള താരമാണ് ഷഖീരി.
