ഡിസംബര്‍ 30ന് നടക്കുന്ന അണ്ടര്‍ 19 ഏഷ്യ കപ്പ് സെമി ലൈനപ്പ് തയ്യാര്‍ ആയി. ആദ്യ സെമിയിൽ പാക്കിസ്ഥാനും ശ്രീലങ്കയും ഏറ്റുമുട്ടുമ്പോള്‍ രണ്ടാം സെമിയിൽ ഇന്ത്യയ്ക്ക് എതിരാളികള്‍ ബംഗ്ലാദേശ് ആണ്.
ഇന്ന് ബംഗ്ലാദേശും ശ്രീലങ്കയും തമ്മിലുള്ള അവസാന ഗ്രൂപ്പ് ബി മത്സരം കോവിഡ് കാരണം ഉപേക്ഷിച്ചതോടെ ഗ്രൂപ്പ് ബിയുടെ ഒന്നാം സ്ഥാനക്കാരായി ബംഗ്ലാദേശ് മാറി.
ശ്രീലങ്കയ്ക്കും ബംഗ്ലാദേശിനും അഞ്ച് പോയിന്റ് വീതമാണുണ്ടായിരുന്നതെങ്കിലും മികച്ച റൺ റേറ്റിന്റെ ബലത്തിൽ ബംഗ്ലാദേശ് ഒന്നാം സ്ഥാനക്കാരായി മാറി.
