ഐപിഎലില്‍ ഈ സീസണിലെ ഏറ്റവും വേഗതയേറിയ അര്‍ദ്ധ ശതകവുമായി ഇഷാന്‍ കിഷന്‍. കൂറ്റന്‍ വിജയം നേടിയാൽ മാത്രം പ്ലേ ഓഫ് സാധ്യതയുള്ള മുംബൈയ്ക്ക് വേണ്ടി ഇഷാന്‍ ആ വെല്ലുവിളി ഏറ്റെടുത്ത രീതിയില്‍ ആണ് ഇറങ്ങിയത്. 16 പന്തിൽ നിന്ന് 50 റൺസാണ് ഇഷാന്‍ കിഷന്‍ നേടിയത്.
8 ഫോറും 2 സിക്സും അടക്കമാണ് ഇഷാന്‍ തന്റെ അര്‍ദ്ധ ശതകം പൂര്‍ത്തിയാക്കിയത്. 5 ഓവറിൽ വിക്കറ്റ് നഷ്ടമില്ലാതെ 78 റൺസാണ് മുംബൈ നേടിയിട്ടുള്ളത്. ഇതിൽ 60 റൺസ് ഇഷാനും 18 റൺസ് രോഹിത് ശര്‍മ്മയുമാണ് നേടിയത്.
