വനിത ഫ്രീസ്റ്റൈല്‍ 53 കിലോ വിഭാഗത്തിൽ ക്വാര്‍ട്ടര്‍ ഫൈനലിലെത്തി ഇന്ത്യയുടെ വിനേഷ് ഫോഗട്ട്. സ്വീഡന്റെ സോഫിയ മാറ്റ്സൺ ആയിരുന്നു ഇന്ത്യന്‍ താരത്തിന്റെ എതിരാളി. 7-1 എന്ന സ്കോറിനാണ് വിനേഷ് ആധികാരിക വിജയം നേടിയത്.
മുന്‍ വെങ്കല മെഡൽ ജേതാവിനെയാണ് ഇന്ത്യന്‍ താരം പരാജയപ്പെടുത്തിയത്. ആദ്യ പിരീഡിൽ 5-0ന്റെ ലീഡ് ഇന്ത്യന്‍ താരം നേടിയിരുന്നുവെങ്കിലും രണ്ടാം ക്വാര്‍ട്ടറിൽ സ്വീഡിഷ് താരം തിരിച്ചുവരവിന് ശ്രമിക്കുകയായിരുന്നു.
അതേ സമയം 57 കിലോ ഫ്രീസ്റ്റൈൽ വിഭാഗത്തിലെ റെപ്പഷാഗേ റൗണ്ടിലെ ആദ്യ മത്സരത്തിൽ തന്നെ ഇന്ത്യയുടെ അന്‍ഷു മാലിക് പുറത്തായി. 1-5ന്റെ തോല്‍വിയാണ് റഷ്യന്‍ ഒളിമ്പിക്സ് കൗണ്‍സിൽ താരത്തിനോട് ഇന്ത്യ ഏറ്റുവാങ്ങിയത്. വലേരിയ കോബ്ലോവയ്ക്കെതിരെ ആയിരുന്നു ഇന്ത്യന്‍ താരത്തിന്റെ പരാജയം.
