സിംബാബ്‍വേയ്ക്കെതിരെയുള്ള ഏക ടെസ്റ്റിന്റെ ഒന്നാം ദിവസം ലഞ്ചിന് പിരിയുമ്പോള്‍ ബംഗ്ലാദേശിന് മൂന്ന് വിക്കറ്റ് നഷ്ടം. 32 റൺസ് നേടിയ മോമിനുള്‍ ഹക്കും 1 റൺസുമായി മുഷ്ഫിക്കുര്‍ റഹിമുമാണ് സന്ദര്‍ശകര്‍ക്കായി ക്രീസിലുള്ളത്. 23 ഓവറിൽ 3 വിക്കറ്റ് നഷ്ടത്തിൽ 70 റൺസാണ് ബംഗ്ലാദേശ് നേടിയിട്ടുള്ളത്.
23 റൺസ് നേടിയ ഷദ്മന്‍ ഇസ്ലാമിനെ ലഞ്ചിന് മുമ്പ് നഷ്ടമായതാണ് ബംഗ്ലാദേശിന് വലിയ തിരിച്ചടിയായത്. ബ്ലെസ്സിംഗ് മുസറബാനി രണ്ട് വിക്കറ്റ് നേടുമ്പോള്‍ ബംഗ്ലാദേശ് വെറും 8 റൺസാണ് നേടിയത്. പിന്നീട് ഇസ്ലാമും മോമിനുള്‍ ഹക്കും ചേര്‍ന്ന് 60 റൺസ് മൂന്നാം വിക്കറ്റിൽ നേടി മുന്നോട്ട് നയിക്കുമ്പോളാണ് ഷദ്മന്റെ വിക്കറ്റ് റിച്ചാര്‍ഡ് എന്‍ഗാരാവ നേടിയത്.
