ജർമൻ ഇതിഹാസം മിറോസ്ലോവ് ക്ളോസെയുടെ റെക്കോർഡിനൊപ്പമെത്തി പോർച്ചുഗൽ താരം ക്രിസ്റ്റ്യാനോ റൊണാൾഡോ. ഇന്നലെ ജർമനിക്കെതിരായ മത്സരത്തിൽ പോർച്ചുഗൽ 4-2ന് പരാജയപ്പെട്ടെങ്കിലും മത്സരത്തിൽ ക്രിസ്റ്റ്യാനോ റൊണാൾഡോ ഗോൾ നേടിയിരുന്നു. ഇത് ലോകകപ്പിലും യൂറോ കപ്പിലും കൂടി റൊണാൾഡോയുടെ 19 മത്തെ ഗോളായിരുന്നു. മത്സരത്തിൽ ഒരു ഗോളിന് മുന്നിട്ട് നിന്നതിന് ശേഷമാണ് പോർച്ചുഗൽ 4-2ന് പരാജയപ്പെട്ടത്.
ലോകകപ്പിലും യൂറോ കപ്പിലും കൂടി 19 ഗോളുകൾ നേടിയ ജർമൻ താരം മിറോസ്ലോവ് ക്ളോസെയുടെ റെക്കോർഡിനൊപ്പം ഇതോടെ റൊണാൾഡോ എത്തി. യൂറോ കപ്പിൽ ഗ്രൂപ്പ് ഘട്ടത്തിൽ ഒരു മത്സരം കൂടി ബാക്കി നിൽക്കെ റൊണാൾഡോക്ക് ക്ളോസെയുടെ റെക്കോർഡ് മറികടക്കാനുള്ള ഒരു അവസരം കൂടി ബാക്കിയുണ്ട്. നേരത്തെ യൂറോ കപ്പിലെ ഹംഗറിക്കെതിരായ ആദ്യ ഗ്രൂപ്പ് ഘട്ട മത്സരത്തിലും റൊണാൾഡോ ഗോൾ നേടിയിരുന്നു.
