ഫ്രഞ്ച് ഓപ്പൺ പുരുഷ വിഭാഗം ഡബിൾസിൽ തോല്‍വിയേറ്റ് വാങ്ങി ഇന്ത്യയുടെ രോഹൻ ബൊപ്പണ്ണ. ഫ്രാങ്കോ സ്കുഗോറിനൊപ്പം ഇന്ന് ക്വാര്‍ട്ടറിനിറങ്ങിയ ഇന്ത്യൻ താരം മാര്‍ട്ടിനെസ് – ആന്‍‍ഡുജാര്‍ സഖ്യത്തോട് നേരിട്ടുള്ള സെറ്റുകളിലാണ് കീഴടങ്ങിയത്. 5-7, 3-6 എന്ന സ്കോറിലായിരുന്നു ബൊപ്പണ്ണ സഖ്യത്തിന്റെ തോല്‍വി.
ഇത് നാലാം തവണയാണ് ബൊപ്പണ്ണ റോളണ്ട് ഗാരോസില്‍ ക്വാര്‍ട്ടറിലെത്തുന്നതെങ്കിലും ഒരു തവണ പോലും താരത്തിന് സെമിയിൽ പ്രവേശിക്കാൻ സാധിച്ചിട്ടില്ല.
