ഐപിഎലിൽ തനിക്ക് രോഹിത് ശർമ്മയുടെ കീഴിൽ കളിക്കണമെന്നാണ് ആഗ്രഹമെന്ന് പറഞ്ഞ് മുൻ ഇംഗ്ലണ്ട് നായകൻ മൈക്കൽ വോൺ. ഐപിഎലിൽ കളിക്കുകയാണെങ്കിൽ ആരുടെ കീഴിൽ കളിക്കണമെന്ന ചോദ്യത്തിനാണ് താരം ഇപ്രകാരം മറുപടി പറഞ്ഞത്. രോഹിത് ശർമ്മയുടെ ക്യാപ്റ്റൻസിയിലുള്ള മുംബൈ ഇന്ത്യൻസ് ടി20 ക്രിക്കറ്റിലെ ഏറ്റവും മികച്ച ടീമാണെന്നും അത് ഒരു എതിരഭിപ്രായവും ഇല്ലാത്ത കാര്യമാണെന്നും വോൺ വ്യക്തമാക്കി.
വളരെ സംയമനത്തോടെയും കാം ആൻഡ് കംപോസ്ഡ് ആയിട്ടുള്ള ഒരു ക്യാപ്റ്റനാണ് രോഹിത്തെന്നും വളരെ കൃത്യതയോടെയുള്ള തന്ത്രങ്ങളാണ് രോഹിത്തിന്റെ ക്യാപ്റ്റൻസിയിൽ കാണാനാകുന്നതെന്നും വോൺ പറഞ്ഞു.
