ഐപിഎല്‍ 2021ലെ തുടര്‍ച്ചയായ മൂന്ന് തോല്‍വികള്‍ക്ക് ശേഷം വിജയം കണ്ടെത്തി സണ്‍റൈസേഴ്സ് ഹൈദ്രാബാദ്. ഇന്ന് പഞ്ചാബ് കിംഗ്സിനെ 120 റണ്‍സിലൊതുക്കിയ ശേഷം ആ ലക്ഷ്യം 18.4 ഓവറില്‍ 1 വിക്കറ്റ് നഷ്ടത്തിലാണ് ഹൈദ്രാബാദ് മറികടന്നത്.
ഓപ്പണിംഗ് വിക്കറ്റില്‍ ജോണി ബൈര്‍സ്റ്റോയും ഡേവിഡ് വാര്‍ണറും ചേര്‍ന്ന് 10.1 ഓവറില്‍ 73 റണ്‍സ് നല്‍കി മികച്ച തുടക്കമാണ് സണ്‍റൈസേഴ്സിന് നല്‍കിയത്. ഫാബിയന്‍ അല്ലെന്‍ 37 റണ്‍സ് നേടിയ ഡേവിഡ് വാര്‍ണറുടെ വിക്കറ്റ് വീഴ്ത്തിയെങ്കിലും ബൈര്‍സ്റ്റോയും കൂട്ടായി എത്തിയ കെയിന്‍ വില്യംസണും ചേര്‍ന്ന് ലക്ഷ്യം നാലോവറില്‍ 21 റണ്‍സാക്കി കുറച്ചു.
ബൈര്‍സ്റ്റോ 63 റണ്‍സും കെയിന്‍ വില്യംസണ്‍ 16 റണ്‍സും നേടി പുറത്താകാതെ നിന്നപ്പോള്‍ രണ്ടാം വിക്കറ്റില്‍ ഈ കൂട്ടുകെട്ട് 48 റണ്‍സാണ് നേടിയത്.
