ഓസ്ട്രേലിയന്‍ പര്യടനത്തിനിടെ തന്നെ ഡ്രോപ് ചെയ്ത് ഏറെ ദുഃഖമുണ്ടാക്കിയെന്നും അതിന് ശേഷം താന്‍ തന്റെ കളി മെച്ചപ്പെടുത്തുവാന്‍ കൂടുതല്‍ പരിശീലനം നടത്തിയെന്നും പറഞ്ഞ് പൃഥ്വി ഷാ. വിജയ് ഹസാരെ ട്രോഫിയ്ക്ക് മുമ്പ് താന്‍ പ്രവീണ്‍ ആംറേയുടെയൊപ്പം പരിശീലനം നടത്തിയെന്നും അതാണ് ഫലം ചെയ്തതെന്നും പൃഥ്വി ഷാ വെളിപ്പെടുത്തി.
വിജയ് ഹസാരെയിലെ ടോപ് സ്കോറര്‍ ആയ പൃഥ്വി ഷാ ഇന്നലെ ഈ വര്‍ഷത്തെ ഐപിഎലിലെ ഡല്‍ഹി ക്യാപിറ്റല്‍സിന്റെ ആദ്യ മത്സരത്തില്‍ പൃഥ്വി ഷാ 38 പന്തില്‍ 72 റണ്‍സാണ് നേടിയത്. 9 ഫോറും മൂന്ന് സിക്സുമായിരുന്നു താരം നേടിയത്.
ഇന്ത്യന്‍ ടീമില്‍ നിന്ന് ഡ്രോപ് ചെയ്യപ്പെട്ടതിനെക്കുറിച്ച് താന്‍ ചിന്തിക്കാറില്ലെന്നും കാരണം അത് വളരെ നിരാശാജനകമായ ഒരു അവസ്ഥയായിരുന്നുവെന്നും അതിനെ മറന്ന് തന്റെ തെറ്റുകള്‍ ശരിയാക്കുവാനുള്ള കാര്യം മാത്രമാണ് താന്‍ ശ്രമിച്ചതെന്നും പൃഥ്വി വ്യക്തമാക്കി.
