ഇംഗ്ലണ്ടിനെതിരെ ആദ്യം ബാറ്റ് ചെയ്യാനിറങ്ങിയ ഇന്ത്യയ്ക്ക് ബാറ്റിംഗ് തകര്‍ച്ച. മാര്‍ക്ക് വുഡിന്റെ തീപാറും സ്പെല്ലിന് മുന്നില്‍ പിടിച്ച് നില്‍ക്കുവാന്‍ ഇന്ത്യന്‍ ടോപ് ഓര്‍ഡറിന് സാധിക്കാതെ വന്നപ്പോള്‍ ഇന്ത്യ 24/3 എന്ന നിലയിലേക്ക് വീണു. ലോകേഷ് രാഹുല്‍ വീണ്ടും പൂജ്യത്തിന് പുറത്തായപ്പോള്‍ രോഹിത് ശര്‍മ്മയെയും(15) മാര്‍ക്ക് വുഡ് പുറത്താക്കി. കഴിഞ്ഞ മത്സരത്തിലെ ഹീറോ ആയ ഇഷാന്‍ കിഷനെ ക്രിസ് ജോര്‍ദ്ദന്‍ പുറത്താക്കി.
നാലാം വിക്കറ്റില്‍ വിരാട് കോഹ്‍ലിയും ഋഷഭ് പന്തും ചേര്‍ന്ന് 40 റണ്‍സ് കൂട്ടിചേര്‍ത്തുവെങ്കിലും കോഹ്‍ലിയുമായുള്ള ആശയക്കുഴപ്പം പന്തിന്റെ വിക്കറ്റ് നഷ്ടപ്പെടുവാന്‍ കാരണമായി. ഇന്ത്യ 12 ഓവറില്‍ 71/4 എന്ന നിലയില്‍ ആണ്. പന്ത് 20 പന്തില്‍ 25 റണ്‍സ് നേടിയാണ് പുറത്തായത്.
20 റണ്‍സ് നേടി വിരാട് കോഹ്‍ലിയും 5 റണ്‍സുമായി ശ്രേയസ്സ് അയ്യരുമാണ് ക്രീസിലുള്ളത്.
