ടെസ്റ്റ് ക്രിക്കറ്റില്‍ നാനൂറ് വിക്കറ്റ് നേടി രവിചന്ദ്രന്‍ അശ്വിന്‍. ഇന്ത്യയ്ക്ക് വേണ്ടി ഈ നേട്ടം കൊയ്യുന്ന നാലാമത്തെ ബൗളര്‍ ആണ് അശ്വിന്‍. കപില്‍ ദേവ്, അനില്‍ കുംബ്ലെ, ഹര്‍ഭജന്‍ സിംഗ് എന്നിവരാണ് മറ്റു മൂന്നു പേര്‍. ഇന്ന് ഇംഗ്ലണ്ടിന്റെ രണ്ടാം ഇന്നിംഗ്സിലെ ഏഴാം വിക്കറ്റ് വീഴ്ത്തിയാണ് അശ്വിന്‍ ഈ നേട്ടം സ്വന്തമാക്കിയത്. ജോഫ്ര ആര്‍ച്ചര്‍ ആയിരുന്നു അശ്വിന്റെ ടെസ്റ്റിലെ നാനൂറാം വിക്കറ്റ്.
രണ്ടാം ഇന്നിംഗ്സില്‍ 3 വിക്കറ്റാണ് അശ്വിന്‍ ഇതുവരെ നേടിയത്. ബെന്‍ സ്റ്റോക്സ്, ഒല്ലി പോപ് എന്നിവരുടെ വിക്കറ്റാണ് അശ്വിന്‍ നേടിയത്. 25 ഓവറുകള്‍ പിന്നിടുമ്പോള്‍ രണ്ടാം ഇന്നിംഗ്സില്‍ 75/7 എന്ന നിലയില്‍ ആണ് ഇംഗ്ലണ്ട്.
