അറ്റലാന്റയുടെ പ്രധാന താരങ്ങളിൽ ഒന്നായിരുന്ന പപു ഗോമസ് ഇനി സ്പെയിനിൽ കളിക്കും. സ്പാനിഷ് ക്ലബായ സെവിയ്യ പപു ഗോമസിന്റെ സൈനിംഗ് പൂർത്തിയാക്കി. കരാറിന്റെ അവസാന വർഷത്തിൽ ആയതിനാൽ 5.5മില്യൺ ഡോളറിനാണ് പപു ഗോമസിനെ സെവിയ്യ സൈൻ ചെയ്തത്. 3 മില്യൺ യൂറോയോളമാകും താരത്തിന്റെ വേതനം. 32കാരനായ താരം 2024വരെയുള്ള കരാറിൽ ഒപ്പുവെച്ചു.
2014 മുതൽ അറ്റലാന്റയിൽ ഉള്ള താരമാണ്‌. അറ്റലാന്റയുടെ ക്യാപ്റ്റൻ ആം ബാൻഡും അണിഞ്ഞിട്ടുണ്ട്. അർജന്റീന ദേശീയ ടീമിലും പപു കളിച്ചിട്ടുണ്ട്.
