കേരള ബ്ലാസ്റ്റേഴ്സ് ഇന്ന് മുംബൈ സിറ്റിയെ നേരിടുകയാണ്. ഐ എസ് എല്ലിൽ ഒന്നാമത് നിൽക്കുകയാണ് മുംബൈ സിറ്റി. ഐ എസ് എല്ലിലെ ഏറ്റവും മികച്ച സ്ക്വാഡുകളിൽ ഒന്നാണ് മുംബൈ സിറ്റിയുടേത് എന്ന് കേരള ബ്ലാസ്റ്റേഴ്സ് പരിശീലകൻ കിബു വികൂന പറഞ്ഞു. എന്നാൽ അവരെ തോൽപ്പിക്കാനുള്ള മികവ് കേരള ബ്ലാസ്റ്റേഴ്സിന് ഉണ്ട് എന്ന് കിബു പറയുന്നു. നാളെ മൂന്ന് പോയിന്റ് മാത്രം ആണ് ബ്ലാസ്റ്റേഴ്സിന്റെ ലക്ഷ്യം എന്നും അദ്ദേഹം പറഞ്ഞു.
കേരള ബ്ലാസ്റ്റേഴ്സിന് സ്വന്തമായി ഒരു ഫിലോസഫി ഉണ്ട്. എങ്കിലും എതിരാളികളെ നോക്കി ആകും താൻ തന്റെ ടീമിനെ ഒരുക്കുക എന്നും കിബു പറഞ്ഞു. ആഡം ലെ ഫോണ്ട്രെയും ഒഗ്ബെചെയും വലിയ താരങ്ങൾ ആണെന്നും അവരെ തടയേണ്ടതുണ്ട് എന്നും കിബു പറഞ്ഞു. ഒഗ്ബെചെ കേരള ബ്ലാസ്റ്റേഴ്സിന് വലിയ സംഭാവന ചെയ്ത താരമാണെന്നും വികൂന ഓർമ്മിപ്പിച്ചു.
