ഇതിഹാസ താരങ്ങളായ സ്റ്റീവ് സ്മിത്തിന്റേയും ബെൻ സ്റ്റോക്സിന്റെയും സാന്നിദ്ധ്യം രാജസ്ഥാൻ റോയൽസിന് ഗുണം ചെയ്യുമെന്ന് രാജസ്ഥാൻ റോയൽസിന്റെ മലയാളി താരം സഞ്ജു സാംസൺ. ഈ സീസണിൽ രാജസ്ഥാൻ റോയൽസ് കറുത്ത കുതിരകൾ അല്ലെന്നും കിരീടം നേടാൻ സാധ്യതയുള്ള ടീമുകളിൽ ഒന്നാണ് രാജസ്ഥാൻ റോയൽസ് എന്നും സഞ്ജു സാംസൺ പറഞ്ഞു.
നിലവിൽ രാജസ്ഥാൻ ടീമിലെ താരങ്ങൾ മാറിയെന്നും പുതിയ രീതികൾ വന്നെന്നും ലോക ക്രിക്കറ്റിലെ മികച്ച താരങ്ങളെ രാജസ്ഥാൻ റോയൽസ് ടീമിൽ എത്തിച്ചിട്ടുണ്ടെന്നും സഞ്ജു സാംസൺ പറഞ്ഞു. അതുകൊണ്ട് തന്നെ രാജസ്ഥാൻ റോയൽസ് നിലവിൽ മികച്ച ടീം ആണെന്നും കിരീടം നേടാൻ ഏറ്റവും സാധ്യത കൂടിയ ടീമുകളിൽ ഒന്നാണെന്നും സഞ്ജു സാംസൺ പറഞ്ഞു.
ലോകകപ്പ് ജേതാക്കൾ അടക്കമുള്ള താരങ്ങൾ രാജസ്ഥാൻ റോയൽസിൽ ഉള്ളത് ടീമിലെ യുവതാരങ്ങൾക്ക് ഒരുപാട് ഗുണം ചെയ്യുമെന്നും മലയാളി താരം പറഞ്ഞു. ഇന്ത്യൻ ടീമിന്റെ കൂടെയുള്ള 4-5 മാസം താൻ മികച്ച രീതിയിൽ ആസ്വദിച്ചെന്നും ഇന്ത്യൻ ടീമിന്റെ കൂടെ കൂടുതൽ മത്സരങ്ങൾ കളിക്കാൻ വേണ്ടി താൻ കാത്തിരിക്കുകയാണെന്നും സാംസൺ പറഞ്ഞു.
