മാഞ്ചസ്റ്റര്‍ ടെസ്റ്റില്‍ ഇനി ഒരു വിക്കറ്റ് കൂടി നേടിയാല്‍ ഒരു ചരിത്ര നേട്ടത്തിന് അര്‍ഹനാവും സ്റ്റുവര്‍ട് ബ്രോഡ്. ടെസ്റ്റ് ക്രിക്കറ്റില്‍ 500 വിക്കറ്റെന്ന നേട്ടം താരം സ്വന്തമാക്കും. മിക്കവാറും അത് ടെസ്റ്റിന്റെ നാലാം ദിവസമായ ഇന്ന് തന്നെ സംഭവിക്കും. ഇംഗ്ലണ്ട് സഹതാരം റോറി ബേണ്‍സ് പറയുന്നത് ബ്രോഡ് 500 വിക്കറ്റിന് അടുത്തെത്തി എന്നത് തനിക്ക് ഒരിക്കലും അറിയില്ലായിരുന്നുവെന്നാണ്.
സ്പിപ്പില്‍ നിന്ന ഡൊമിനിക് സിബ്ലേ ബ്രോഡ് 497 വിക്കറ്റിലാണ് നില്‍ക്കുന്നതെന്ന് പറഞ്ഞപ്പോളാണ് താന്‍ അത് മനസ്സിലാക്കുന്നതെന്നും ബ്രോഡിന്റെ 500 വിക്കറ്റ് നേട്ടം ഏറെ സവിശേഷമായ നേട്ടം തന്നെയാണെന്നും ജോ ബേണ്‍സ് വ്യക്തമാക്കി. ഇംഗ്ലണ്ട് മികച്ച രീതിയിലാണ് ബൗള്‍ ചെയ്യുന്നതും ബ്രോഡിന് വേണ്ടി സ്ലിപ്പില്‍ തങ്ങള്‍ ആ ക്യാച്ച് പൂര്‍ത്തിയാക്കുമായിരിക്കുമെന്നും ബേണ്‍സ് വ്യക്തമാക്കി.
