ഈ വര്ഷത്തെ ഇംഗ്ലണ്ട് വെസ്റ്റ് ഇന്ഡീസ് പരമ്പരയ്ക്ക് ശേഷം വിസ്ഡന് ട്രോഫി റിട്ടയര് ചെയ്യിപ്പിക്കുമെന്ന് അറിയിച്ച് ഇംഗ്ലണ്ട്-വെസ്റ്റിന്ഡീസ് ബോര്ഡുകള്. ഇനി ടീമുകള് ഏറ്റുമുട്ടുന്നത് റിച്ചാര്ഡ്സ്-ബോത്തം ട്രോഫിയ്ക്ക് വേണ്ടിയാകുമെന്നും ഇവര് സംയുക്തമായി തീരുമാനിച്ചു.
1963ല് ആണ് വിസ്ഡന് ട്രോഫി കൊണ്ടുവരുന്നത്. വിഡ്സന് ആല്മനാകിന്റെ നൂറാം പതിപ്പ് ആഘോഷിക്കുന്നതിന് വേണ്ടി കൊണ്ടുവന്ന ട്രോഫി ഇനി ലോര്ഡ്സിലെ എംസിസി മ്യൂസിയത്തില് സൂക്ഷിക്കും. തനിക്കും തന്റെ അടുത്ത സുഹൃത്തായ ഇയാന് ബോത്തമിനും ഇത് വലിയ അംഗീകാരം ആണെന്നാണ് വിവിയിന് റിച്ചാര്ഡ്സ് ഇതിനെക്കുറിച്ച് അഭിപ്രായപ്പെട്ടത്.
വിസ്ഡന് ട്രോഫി വനന്തിന് ശേഷം ഇംഗ്ലണ്ടും വെസ്റ്റിന്ഡീസും തമ്മില് 27 പരമ്പരകളാണ് നടന്നിട്ടുള്ളത്. അതില് 14 തവണ പരമ്പര വിജയം സ്വന്തമാക്കിയത് വിന്ഡീസ് ആണ്. ഇംഗ്ലണ്ടിന് 9 തവണ ട്രോഫി സ്വന്തമാക്കാനായപ്പോള് 4 തവണ പരമ്പര സമനിലയില് അവസാനിച്ചു.
