ഇന്ത്യയുമായി പരമ്പര കളിക്കാൻ തയ്യാറാണെന്ന് പാകിസ്ഥാൻ ക്രിക്കറ്റ് ബോർഡ് മേധാവി ഇഹ്‌സാൻ മാനി. എന്നാൽ ഇതിന് വേണ്ടി ഇന്ത്യയുടെ പിറകെ നടക്കാൻ പാകിസ്ഥാൻ തയ്യാറല്ലെന്നും പാകിസ്ഥാൻ ക്രിക്കറ്റ് മേധാവി പറഞ്ഞു. പരമ്പര കളിക്കണമോ വേണ്ടയോ എന്ന് തീരുമാനിക്കേണ്ടത് ബി.സി.സി.ഐ ആണെന്നും ഇഹ്‌സാൻ മാനി പറഞ്ഞു.
2013ന് ശേഷം ഇരു രാജ്യങ്ങളും തമ്മിലുള്ള രാഷ്ട്രീയ കാരണങ്ങളാൽ ഇന്ത്യയും പാകിസ്ഥാനും പരസ്പരം പരമ്പരക്കൾ കളിക്കാരില്ല. അതെ സമയം ഐ.സി.സി നടത്തുന്ന ടൂർണമെന്റുകളിൽ ഇന്ത്യയും പാകിസ്ഥാനും പരസ്പരം കളിക്കാറുണ്ട്. കഴിഞ്ഞ വർഷം ഇംഗ്ലണ്ടിൽ നടന്ന ലോകകപ്പിൽ ഇരു ടീമുകളും പരസ്പരം ഏറ്റുമുട്ടിയിരുന്നു. അന്ന് ഇന്ത്യ89റൺസിന് പാകിസ്ഥാനെ തോൽപ്പിക്കുകയും ചെയ്തിരുന്നു. 2007-08 സീസണ് ശേഷം ഇരു രാജ്യങ്ങളും തമ്മിൽ ടെസ്റ്റ് മത്സരവും നടന്നിട്ടില്ല.
