പാക്കിസ്ഥാന്റെ പുതിയ ഏകദിന നായകനായി ബാബര്‍ അസമിനെ നിയമിച്ചപ്പോളും ബോര്‍ഡ് ടീമിന്റെ വൈസ് ക്യാപ്റ്റനെ നിയമിച്ചിട്ടില്ല എന്നത് ശ്രദ്ധേയമാണ്. എന്നാല്‍ തനിക്ക് സഹായവുമായി സീനിയര്‍ താരങ്ങളും കോച്ച് മിസ്ബ ഉള്‍ ഹക്കും ഉണ്ടെന്ന് പാക്കിസ്ഥാന്‍ നായകന്‍ ബാബര്‍ അസം വ്യക്തമാക്കി.
ക്യാപ്റ്റന്‍സിയില്‍ തീര്‍ച്ചയായും ഉയര്‍ച്ച താഴ്ചകളുണ്ടാകും. എപ്പോളും മത്സരങ്ങള്‍ ജയിക്കുവാന്‍ സാധിക്കില്ല, തിരിച്ചടി എന്നായാലുമുണ്ടാകും അപ്പോളെല്ലാം സീനിയര്‍ താരങ്ങള്‍ പിന്തുണയുമായി ഉണ്ടാകുമെന്ന് ബാബര്‍ വ്യക്തമാക്കി. മുഖ്യ കോച്ച് മിസ്ബയുടെ സാന്നിദ്ധ്യം തനിക്ക് ആത്മവിശ്വാസം ഏകുന്നതാണെന്നും പാക്കിസ്ഥാന്‍ ക്യാപ്റ്റന്‍ വ്യക്തമാക്കി.
തനിക്ക് ഉപദേശം വേണ്ട സമയത്ത് താന്‍ സീനിയര്‍ താരങ്ങളെ സമീപിക്കുമെന്നും തന്നെ വളര്‍ത്തിയെടുത്തത് പോലെ പാക്കിസ്ഥാന്‍ ബോര്‍ഡിന്റെ മനസ്സില്‍ ഒരു വൈസ് ക്യാപ്റ്റന്റെ നാമവും ഉണ്ടാകുമെന്ന് ബാബര്‍ വ്യക്തമാക്കി.
