ടിപിഎലില്‍ ഇന്ന് നടന്ന മത്സരത്തില്‍ മാക് സ്ട്രൈക്കേഴ്സിനെതിരെ 5 വിക്കറ്റ് വിജയവുമായി പിറ്റ്സ് ബ്ലൂ. ആദ്യം ബാറ്റ് ചെയ്ത മാക് സ്ട്രൈക്കേഴ്സിനെ 7 വിക്കറ്റ് നഷ്ടത്തില്‍ 48 റണ്‍സില്‍ എറിഞ്ഞ് പിടിച്ച ശേഷം 6.4 ഓവറിലാണ് പിറ്റ്സ് ബ്ലൂവിന്റെ വിജയം. അര്‍ജ്ജുന്‍ കുമാര്‍(17*), മനോജ്(15) എന്നിവരാണ് പിറ്റ്സിന്റെ വിജയ ശില്പികള്‍.
പിറ്റ്സിനായി ബൗളിംഗില്‍ രഞ്ജിത്ത് ജോസ്, അര്‍ജ്ജുന്‍ ജഗദീഷ് എന്നിവര്‍ രണ്ട് വീതം വിക്കറ്റ് നേടി. രഞ്ജിത്ത് 5 റണ്‍സ് മാത്രം വിട്ട് നല്‍കിയാണ് 2 വിക്കറ്റ് നേടിയത്. മാക് സ്ട്രൈക്കേഴ്സിന്റെ ടോപ് സ്കോറര്‍ 12 റണ്‍സ് നേടിയ മഹേഷ് മോഹനാണ്. അലോക് കൃഷ്ണ 11 റണ്‍സ് നേടി.
