ഏഷ്യന്‍ ഗുസ്തി ചാമ്പ്യന്‍ഷിപ്പില്‍ സ്വര്‍ണ്ണ നേട്ടങ്ങളുമായി ഇന്ത്യന്‍ താരങ്ങള്‍. വനിത വിഭാഗത്തില്‍ സരിത മോര്‍, ദിവ്യ കാക്രന്‍, പിങ്കി എന്നിവരാണ് ഇന്ത്യയ്ക്കായി സ്വര്‍ണ്ണം നേടിയത്. ചാമ്പ്യന്‍ഷിപ്പിന്റെ മൂന്നാം ദിവസമായ ഇന്നലെ ഇന്ത്യ മൂന്ന് സ്വര്‍ണ്ണവും ഒരു വെള്ളിയുമാണ് നേടിയത്.
59 കിലോ വിഭാഗത്തിലാണ് സിത മോര്‍ സ്വര്‍ണ്ണം നേടിയത്. പിങ്കി 55 കിലോ വിഭാഗത്തിലും ദിവ്യ കാക്രന്‍ 68 കിലോ വിഭാഗത്തിലുമാണ് സ്വര്‍ണ്ണം നേടിയത്. നിര്‍മ്മല ദേവി 50 കിലോ വിഭാഗത്തില്‍ വെള്ളി മെഡല്‍ നേടി. ഇന്ത്യയ്ക്ക് ഇതുവരെ നാല് സ്വര്‍ണ്ണവും ഒരു വെള്ളിയും നാല് വെങ്കലവുമാണ് സ്വന്തമാക്കാനായിട്ടുള്ളത്.
