ന്യൂസിലാണ്ടിനോട് ഏറ്റ ഇന്നിംഗ്സ് തോല്വിയെന്നത് ലോകാവസാനമല്ലെന്ന് പറഞ്ഞ് ഇംഗ്ലണ്ട് നായകന് ജോ റൂട്ട്. ടീമംഗങ്ങള് പരിഭ്രാന്തരാകേണ്ടതില്ലെന്നും ആദ്യ ടെസ്റ്റിലെ കനത്ത തോല്വിയ്ക്ക് ശേഷം ജോ റൂട്ട് വ്യക്തമാക്കി. അവസാന ദിവസം ചായയ്ക്ക് ശേഷം അധികം വൈകാതെ ഇംഗ്ലണ്ട് പത്തി മടക്കുകയായിരുന്നു. ഇതോടെ 14 എവേ ടെസ്റ്റുകളില് റൂട്ടിന് കീഴില് വെറും നാല് ടെസ്റ്റ് മാത്രമാണ് ഇംഗ്ലണ്ട് വിജയിച്ചിട്ടുള്ളത്.
ട്രെവര് ബെയ്ലിസ് കാലഘട്ടത്തിന് ശേഷം ഇംഗ്ലണ്ടിന് വ്യത്യസ്തമായ ശൈലിയാവും ഇനിയുണ്ടാകുകയെന്നും അതിലേക്കുള്ള മാറ്റത്തിന് ടീമിന് സമയം എടുത്തേക്കാമെന്നും ജോ റൂട്ട് വ്യക്തമാക്കി. ഈ തോല്വി ലോകാവസാനമല്ലെന്നും കഠിന പ്രയത്നത്തിലൂടെ ടീമിന് ഇനിയും ശക്തമായ തിരിച്ചുവരവ് നടത്താനാകുമെന്ന് ജോ റൂട്ട് വ്യക്തമാക്കി.
