ബെല്‍ജിയം ടൂറിന്റെ ഭാഗമായുള്ള മത്സരത്തില്‍ സ്പെയിനിനെതിരെ 6-1 ന്റെ ആധികാരിക ജയം നേടി ഇന്ത്യ. 24ാം മന്‍പ്രീത് സിംഗ് ആരംഭിച്ച ഗോള്‍ വേട്ട 60ാം മിനുട്ടില്‍ രൂപീന്ദര്‍ പാല്‍ സിംഗ് ആണ് അവസാനിപ്പിച്ചത്. ആദ്യ പകുതിയില്‍ ഇന്ത്യ 2-1ന് ലീഡ് ചെയ്യുകയായിരുന്നു. സ്പെയിനിന് വേണ്ടി പൗ ക്യുമേഡയാണ് ആശ്വാസ ഗോള്‍ നേടിയത്. മത്സരത്തിന്റെ 29ാം മിനുട്ടിലായിരുന്നു ഈ ഗോള്‍.
മന്‍പ്രീത് സിംഗ്(24), ഹര്‍മ്മന്‍പ്രീത് സിംഗ്(28, 32), നീലകണ്ഠ ശര്‍മ്മ(39), മന്‍ദീപ് സിംഗ്(56), രൂപീന്ദര്‍ പാല്‍ സിംഗ്(60) എന്നിവരാണ് ഇന്ത്യയുടെ ഗോള്‍ സ്കോറര്‍മാര്‍. ആദ്യ മത്സരത്തില്‍ ഇന്ത്യ ബെല്‍ജിയത്തിനെ 2-0 എന്ന സ്കോറിന് പരാജയപ്പെടുത്തിയിരുന്നു.
