അണ്ടര്‍ 23 ഏഷ്യന്‍ പുരുഷ വോളിബോള്‍ ചാമ്പ്യന്‍ഷിപ്പില്‍ കിരീടം നേടുവാന്‍ ഇന്ത്യയ്ക്കായില്ലെങ്കിലും വെള്ളിമെഡല്‍ ജേതാക്കളായി ടീമിലെ താരങ്ങള്‍ക്കും ഒഫീഷ്യലുകള്‍ക്കും ഓരോരുത്തര്‍ക്കും ഒരു ലക്ഷം രൂപയുടെ പാരിതോഷികം പ്രഖ്യാപിച്ച് വോളിബോള്‍ ഫെഡറേഷന്‍ ഓഫ് ഇന്ത്യ. ഫൈനലില്‍ ചൈനീസ് തായ്‍പേയോടാണ് ഇന്ത്യ 1-3 എന്ന സ്കോറില്‍ കീഴടങ്ങിയത്.
ആദ്യ രണ്ട് സെറ്റുകളും കൈവിട്ട ശേഷം മൂന്നാം സെറ്റ് വിജയിച്ചുവെങ്കിലും നാലാം സെറ്റില്‍ പൊരുതി 23-25 എന്ന സ്കോറിലാണ് ഇന്ത്യ കീഴടങ്ങിയത്. സ്കോര്‍: 21-25, 20-25, 25-19, 23-25. ഫൈനലില്‍ കടന്നതിനാല്‍ ഇന്ത്യയ്ക്ക് ലോക ചാമ്പ്യന്‍ഷിപ്പിലേക്ക് യോഗ്യത ലഭിച്ചിരുന്നു.
