പ്രോ കബഡി ലീഗിൽ ജയ്പൂർ പിങ്ക് പാന്തേഴ്സിന് ജയം. ആവേശോജ്ജ്വലമായ മത്സരത്തിൽ ഹരിയാന സ്റ്റീലേഴ്സിനെയാണ് പാന്തേഴ്സ് പരാജയപ്പെടുത്തിയത്. സ്കോർ 37-21. സ്കിപ്പർ ദീപക് ഹൂഡയുടെ മികച്ച പ്രകടനമാണ് ജയ്പൂർ ടീമിന് തുണയായത്. 14 പോയന്റാണ് താരം നേടിയത്.
സന്ദീപ് ദള്ളും (6) വിശാലും (4) താരത്തിന് മികച്ച പിന്തുണ നൽകി. മത്സരത്തിന്റെ ആദ്യ പകുതിയിൽ തന്നെ 17-8 ന്റെ ലീഡ് നേടാൻ ജയ്പൂർ പിങ്ക് പാന്തേഴ്സിനായിരുന്നു. പിങ്ക് പാന്തേഴ്സിന്റെ തുടർച്ചയായ മൂന്നാം ജയമാണിത്.
