അത്ലറ്റികോ മാഡ്രിഡ് റെക്കോർഡ് തുക മുടക്കി ടീമിൽ എത്തിച്ച ടീനേജ് സെൻസേഷൻ ജാവോ ഫെലിക്സിന് ഇനി ക്ലബ്ബിൽ 7 ആം നമ്പർ ജേഴ്സി. നിലവിൽ ആന്റോണിയോ ഗ്രീസ്മാൻ ധരിക്കുന്ന ജേഴ്‌സിയാണ് നമ്പർ 7. വരും ദിവസങ്ങളിൽ ഗ്രീസ്മാൻ ബാഴ്സലോണയിലേക്ക് ഉള്ള ട്രാൻസ്ഫർ പൂർത്തിയാക്കും.
ക്ലബ്ബ് റെക്കോർഡ് തുകയായ 126 മില്യൺ യൂറോ നൽകിയാണ് അത്ലറ്റി പോർച്ചുഗൽ ദേശീയ താരമായ ഫെലിക്സിനെ ബെൻഫിക്കയിൽ നിന്ന് സ്വന്തമാക്കിയത്. നമ്പറിൽ മാത്രമല്ല കളിയിലും ഗ്രീസ്മാന്റെ പകരകാരനാകുക എന്ന വലിയ വെല്ലുവിളിയാണ് 19 വയസുകാരനായ ഫെലിക്സിന് മുൻപിൽ ഉള്ളത്. കഴിഞ്ഞ സീസണിൽ മൊത്തം 21 ഗോളുകളാണ് ഗ്രീസ്മാൻ സിമയോണിയുടെ ടീമിനായി നേടിയത്. ബെൻഫിക്കക്കായി ഫെലിക്‌സ് 20 ഗോളുകളും നേടിയിട്ടുണ്ട്.
