ബാഴ്സലോണയുടെ ഗോൾകീപ്പർ സിലെസൻ ക്ലബ് വിടുന്നതിന് അടുത്ത് എത്തിയിരിക്കുന്നു. സ്പാനിഷ് ക്ലബായ വലൻസിയയിലേക്കാകും സിലെസൻ പോവുക. സിലെസൻ ഇന്ന് വലൻസിയയിൽ മെഡിക്കൽ പൂർത്തിയാക്കും എന്ന് സ്പാനിഷ് മാധ്യമങ്ങൾ പറയുന്നു. ബാഴ്സലോണയുടെ രണ്ടാം ഗോൾ കീപ്പറായി ഏറെ കാലം ചിലവഴിച്ച സിലെസൻ ഇനിയും രണ്ടാമനാകാൻ താല്പര്യമില്ലാത്തതിനാൽ ആണ് ക്ലബ് വിടുന്നത്.
താൻ ബാഴ്സലോണ വിടും എന്ന് നേരത്തെ തന്നെ സിലെസെൻ വ്യക്തമാക്കിയിരുന്നു. ഹോളണ്ടിന്റെ ഗോൾ കീപ്പറായ സിലെസണ് വേണ്ടി നിരവധി ക്ലബുകൾ രംഗത്തുണ്ടായിരുന്നു. സ്പെയിനിൽ തന്നെ നിൽക്കാനുള്ള സിലെസെന്റെ താല്പര്യമാണ് വലൻസിയയിലേക്ക് താരത്തെ എത്തിക്കുന്നത്. നേരത്തെ വലൻസിയയുടെ സിലെസനെ സൈൻ ചെയ്യാനുള്ള ശ്രമങ്ങളെ ബാഴ്സലോണ എതിർത്തിരുന്നു.
