ലോകകപ്പിലെ തുടര്‍ച്ചയായ നാലാം തോല്‍വി ഒഴിവാക്കുവാനായി ഇന്ന് വിന്‍ഡീസിനെ നേരിട്ട ദക്ഷിണാഫ്രിക്ക 27/2 എന്ന നിലയില്‍ പ്രതിരോധത്തിലായിരുന്നുവെങ്കിലും മഴ വില്ലനായി എത്തിയപ്പോള്‍ മത്സരം ഉപേക്ഷിക്കപ്പെടുകയായിരുന്നു. ടൂര്‍ണ്ണമെന്റില്‍ പാക്കിസ്ഥാന്‍-ശ്രീലങ്ക മത്സരത്തിനു ശേഷം ഇത് രണ്ടാം മത്സരമാണ് മഴ മൂലം ഒഴിവാക്കപ്പെടുന്നത്.
ഇതോടെ ടൂര്‍ണ്ണമെന്റിലെ ആദ്യ പോയിന്റാണ് ദക്ഷിണാഫ്രിക്കയ്ക്ക് ലഭിച്ചത്. ഇനിയുള്ള അഞ്ച് മത്സരങ്ങള്‍ വിജയിച്ചാല്‍ സെമിയിലേക്ക് കടക്കുകയെന്ന് വിദൂര സാധ്യത ഇപ്പോളും ദക്ഷിണാഫ്രിക്കയ്ക്കായുണ്ട്. എങ്കിലും വേറെ പല മത്സരങ്ങളുടെ ഫലങ്ങളെയും ആശ്രയിച്ചാവും ഇത്.
