ഇംഗ്ലീഷ് പ്രീമിയർ ലീഗ് ക്ലബ് ക്രിസ്റ്റൽ പാലസിന്റെ 22 കാരനായ യുവ ഫ്രഞ്ച് താരം മൈക്കിൾ ഒലിസെ ബയേൺ മ്യൂണിക്കിൽ ചേരാൻ തീരുമാനിച്ചത് ആയി ദ അത്ലറ്റിക് റിപ്പോർട്ടർ ഡേവിഡ് ഓർസ്റ്റെയിൻ റിപ്പോർട്ട് ചെയ്തു. ഇനി പാലസും ആയി കരാർ ധാരണയിൽ എത്തിയാൽ താരം ജർമ്മൻ ക്ലബിൽ എത്തും. താരത്തിന് ആയി ബയേണിന് ഒപ്പം ചെൽസി, ന്യൂകാസ്റ്റിൽ യുണൈറ്റഡ് ക്ലബുകളും ശക്തമായി രംഗത്ത് ഉണ്ടായിരുന്നു.
താരത്തിന് ആയി മുടക്കേണ്ട വലിയ തുകയും താരത്തിന്റെ ആവശ്യങ്ങളും ചെൽസിയെ ഈ കരാറിൽ നിന്നു പിന്മാറാൻ പ്രേരിപ്പിക്കുക ആയിരുന്നു. നിലവിൽ താരത്തിന് റിലീസ് ക്ലൗസ് ഉണ്ട്, എന്നാൽ ഇത് ചാമ്പ്യൻസ് ലീഗ് കളിക്കുന്ന ക്ലബിന് മാത്രമെ ഉപയോഗിക്കാൻ ആവുകയുള്ളൂ എന്നതും ബയേണിന് അനുകൂലമായി. നേരത്തെ താരത്തിന് മുന്നിൽ പാലസ് പുതിയ കരാറും മുന്നോട്ട് വച്ചിരുന്നു. കഴിഞ്ഞ 2,3 സീസണുകളിൽ പാലസിന് ആയി മിന്നും പ്രകടനം ആണ് മൈക്കിൾ ഒലിസെ കാഴ്ച വെച്ചത്.
