ബാഴ്സലോണ യുവതാരം മാർക്ക് കാസഡോ ക്ലബിൽ പുതിയ കരാർ ഒപ്പുവെക്കും. താരം തന്നെ ക്ലബിൽ കരാർ പുതുക്കും എന്ന് കഴിഞ്ഞ ദിവസം പറഞ്ഞു. 2028 ജൂൺ വരെ നീണ്ടു നിൽക്കുന്ന കരാർ ആകും താരം ബാഴ്സലോണയിൽ ഒപ്പുവെക്കുന്നത്. 20കാരനായ മിഡ്ഫീൽഡർ ഈ സീസണിൽ ബാഴ്സലോണ യുവ ടീമിനായി 30ഓളം മത്സരങ്ങൾ കളിച്ചിട്ടുണ്ട്. സീനിയർ ടീമിനായി 2 മത്സരങ്ങളും താരം കളിച്ചിട്ടുണ്ട്.
കാസഡോ വരും സീസണിൽ ബാഴ്സലോണ സീനിയർ ടീമിന്റെ സ്ഥിര ഭാഗകാകും എന്ന് പ്രതീക്ഷിക്കുന്നു. ഡിഫൻസീവ് മിഡ് ആയ താരത്തിന് വലിയ ഭാവി പ്രവചിക്കപ്പെടുന്നുണ്ട്.
2016 മുതൽ താരം ബാഴ്സലോണയിലുണ്ട്. സ്പാനിഷ് അണ്ടർ 16, അണ്ടർ 17 ദേശീയ ടീമുകൾക്ക് ആയി കളിച്ചിട്ടുണ്ട്.
