മാസങ്ങൾക്ക് ശേഷം ഒരു അർദ്ധ സെഞ്ച്വറിയുമായി യുവരാജ് സിങ്

specialdesk

Download the Fanport app now!
Appstore Badge
Google Play Badge 1

മോശം ഫോമുമായി വിഷമിക്കുന്ന മുൻ ഇന്ത്യൻ താരം യുവരാജ് സിങിനെ ഐപിഎൽ ലേലത്തിന്റെ അവസാന നിമിഷമാണ് മുംബൈ ഇന്ത്യൻസ് സ്വന്തമാക്കിയത്. ഈ രഞ്ജി സീസണിൽ പഞ്ചാബിന് വേണ്ടി കാര്യമായൊന്നും യുവരാജിന് ചെയ്യാൻ കഴിഞ്ഞിരുന്നില്ല. മോശം ഫോമുമായി വിഷമിക്കുന്ന യുവരാജ് മാസങ്ങൾക്ക് ശേഷം ഒരു അർദ്ധ സെഞ്ച്വറിയുമായി കളംനിറഞ്ഞിരിക്കുകയാണ്. ഇന്നലെ ഡിവൈ പാട്ടിൽ ടി20 ടൂര്ണമെന്റിൽ ആണ് യുവരാജിന്റെ തകർപ്പൻ പ്രകടനം നടന്നത്. കഴിഞ്ഞ ഒക്ടോബറിൽ പഞ്ചാബിന് വേണ്ടിയായിരുന്നു യുവരാജിന്റെ അവസാന അർദ്ധ സെഞ്ച്വറി പിറന്നത്.

എയർ ഇന്ത്യക്ക് വേണ്ടി കളിക്കുന്ന യുവരാജ് വെറും 57 പന്തിൽ 80 റൺസ് ആണ് അടിച്ചു കൂട്ടിയത്. മുംബൈ കസ്റ്റംസിനെതിരെയായിരുന്നു യുവരാജിന്റെ തകർപ്പൻ പ്രകടനം. യുവരാജിന്റെ 80 റൺസോടെ നിശ്ചിത 20 ഓവറിൽ 7 വിക്കറ്റ് നഷ്ടത്തിൽ 169 റൺസാണ് എയർ ഇന്ത്യ അടിച്ചെടുത്തത്. പക്ഷെ മുംബൈ കസ്റ്റംസ് എയർ ഇന്ത്യ ഉയർത്തിയ സ്‌കോർ അനായാസം മറികടന്നു. ഒരു ഓവർ ബൗൾ ചെയ്ത യുവരാജ് 12 റൺസ് വഴങ്ങിയിരുന്നു.