ഡബ്യു.ടി.എ 1000 കിരീടമായ ടോറോന്റോ ഓപ്പൺ കിരീടം ഉയർത്തി നാലാം സീഡ് അമേരിക്കൻ താരം ജെസിക്ക പെഗുല. കാലാവസ്ഥ പ്രശ്നങ്ങൾ കൊണ്ടു വൈകിയ സെമിഫൈനൽ 2 മണിക്കൂർ മുമ്പ് കളിച്ചെത്തിയ 15 സീഡ് സമസോനോവയെ വെറും 49 മിനിറ്റിനുള്ളിൽ നേരിട്ടുള്ള സെറ്റുകൾക്ക് പെഗുല തകർത്തു.
സെമിയിൽ 3 സെറ്റ് പോരാട്ടത്തിൽ റൈബകാനിയയെ തോൽപ്പിച്ചു തളർന്നു എത്തിയ സമസോനോവയെ 6-1, 6-0 എന്ന സ്കോറിന് ആണ് അമേരിക്കൻ താരം മറികടന്നത്. മത്സരത്തിൽ 5 തവണ എതിരാളിയെ താരം ബ്രേക്ക് ചെയ്തു. കരിയറിലെ രണ്ടാം ഡബ്യു.ടി.എ 1000 കിരീടമാണ് പെഗുലക്ക് ഇത്. ഈ മികവ് യു.എസ് ഓപ്പണിലും തുടരാൻ ആവും താരം ശ്രമിക്കുക.
