യു.എസ് ഓപ്പൺ സെമിഫൈനലിലേക്ക് മുന്നേറി വിംബിൾഡൺ ഫൈനലിസ്റ്റ് കൂടിയായ ടുണീഷ്യൻ താരം ഒൻസ് യാബ്യുർ. സെമിയിൽ നേരിട്ടുള്ള സെറ്റുകൾക്ക് ഓസ്ട്രേലിയൻ താരം അജ്ലയെ അഞ്ചാം സീഡ് തോൽപ്പിക്കുക ആയിരുന്നു. സെമിയിൽ എത്തിയതോടെ യു.എസ് ഓപ്പൺ ആവസാന നാലിൽ എത്തുന്ന ആദ്യ അറബ് താരമായും ആഫ്രിക്കൻ വനിത താരമായും ഒൻസ് മാറി. പതിവിനു വിരുദ്ധമായി രണ്ടാം സെറ്റിൽ നിരാശയോടും ദേഷ്യത്തോടും കാണപ്പെട്ട ഒൻസ് ഇടക്ക് റാക്കറ്റ് വലിച്ചു എറിഞ്ഞതും കാണാൻ ആയി.
എന്നാൽ ഇത് അതിജീവിച്ചു ആയിരുന്നു താരത്തിന്റെ ജയം. ആദ്യ സെറ്റിൽ നിർണായക ബ്രൈക്ക് കണ്ടത്തിയ ഒൻസ് സെറ്റ് 6-4 നു സ്വന്തമാക്കി. ഇരു താരങ്ങളും സർവീസ് നിലനിർത്താൻ കഷ്ടപ്പെട്ട രണ്ടാം സെറ്റിൽ ഒരു ഘട്ടത്തിൽ ഒൻസ് 3-5 നു പിറകിൽ ആയിരുന്നു. എന്നാൽ തന്റെ നിരാശയും ദേഷ്യവും മറികടന്നു സെറ്റ് ടൈബ്രൈക്കറിലേക്ക് എത്തിച്ച ഒൻസ് ടൈബ്രൈക്കറിൽ സെറ്റ് നേടുക ആയിരുന്നു. മത്സരശേഷം മത്സരത്തിന് ഇടയിലെ തന്റെ മോശം പെരുമാറ്റത്തിന് ഒൻസ് ക്ഷമാപണം നടത്തുകയും ചെയ്തു. സെമിയിൽ കൊക്കോ ഗോഫ്, കരോളിൻ ഗാർസിയ മത്സര വിജയിയെ ആണ് ഒൻസ് നേരിടുക.