ഹ്യൂബർട്ട് ഹർകാസിനെ മൂന്ന് സെറ്റ് നീണ്ട പോരാട്ടത്തിൽ തോൽപ്പിച്ച് കാർലോസ് അൽകാരസ് റോട്ടർഡാം ഓപ്പൺ ഫൈനലിൽ സ്ഥാനം ഉറപ്പിച്ചു. സ്പാനിഷ് ലോക മൂന്നാം നമ്പർ താരം കടുത്ത വെല്ലുവിളിയെ ആണ് സെമിയിൽ അതിജീവിച്ചത്. 6-4, 6-7 (5/7), 6-3 എന്ന സ്കോറിന് ആയിരുന്നു വിജയം. ഓസ്ട്രേലിയയുടെ അലക്സ് ഡി മിനോറിനെ ആകും അൽകാരസ് ഇനി ഫൈനലിൽ നേരിടുക.
ഇറ്റാലിയൻ താരം മാറ്റിയ ബെല്ലൂച്ചിയെ 6-1, 6-2 എന്ന സ്കോറിന് തോൽപ്പിച്ച് ആണ് ഡി മിനോർ ഫൈനലിൽ എത്തിയത്.
