ഇറ്റാലിയൻ ഓപ്പണിൽ ജോക്കോവിച് ക്വാർട്ടർ ഫൈനലിൽ പുറത്ത്. ലോക ഏഴാം നമ്പർ താരം ഹോൾഗർ റൂൺ ആണ് നൊവാക് ജോക്കോവിച്ചിനെ തോൽപ്പിച്ചത്‌. 6-2, 4-6, 6-2 എന്ന സ്‌കോറിന് ആയിരുന്നു വിജയം. മഴ തടസ്സപ്പെടുത്തിയ ക്വാർട്ടർ ഫൈനലിൽ ജോക്കോവിച് തീർത്തു അസ്വസ്ഥനായിരുന്നു.
20-കാരനായ ഹോൾഗർ റൂണിനോട് ഇത് രണ്ടാം തവണ ആണ് ജോക്കോവിച് തോൽക്കുന്നത്. കഴിഞ്ഞ നവംബറിൽ പാരിസ് ബെർസിയിൽ നടന്ന മാസ്റ്റേഴ്സ് 1000 ചാമ്പ്യൻഷിപ്പിലും റൂൺ സെർബിയൻ താരത്തെ പരാജയപ്പെടുത്തിയിരുന്നു. മഴയെ തുടർന്ന് ഒരു മണിക്കൂറോളം കളി ഇന്ന് നിർത്തിവച്ചു.
