ലോക ഒന്നാം നമ്പർ താരം യാന്നിക് സിന്നറെ 7-6(5), 6-1 എന്ന സ്കോറിന് തകർത്ത് കാർലോസ് അൽകാരസ് ഞായറാഴ്ച ഇറ്റാലിയൻ ഓപ്പൺ കിരീടം ചൂടി. സ്പാനിഷ് താരം തന്റെ ആദ്യ റോം കിരീടം നേടുക മാത്രമല്ല, സിന്നറുടെ 26 മത്സരങ്ങളുടെ വിജയക്കുതിപ്പിന് അന്ത്യം കുറിക്കുകയും ചെയ്തു.
ഈ വിജയത്തോടെ അൽകാരസ് തിങ്കളാഴ്ച ലോക റാങ്കിംഗിൽ രണ്ടാം സ്ഥാനത്തേക്ക് ഉയരും. നിലവിലെ ചാമ്പ്യനും ഈ സീസണിലെ രണ്ട് മാസ്റ്റേഴ്സ് 1000 കിരീടങ്ങൾ നേടിയ താരവുമായ അൽകാരസ് റോളണ്ട് ഗാരോസിൽ ശക്തമായ പോരാട്ടം കാഴ്ചവെക്കാൻ ഒരുങ്ങുകയാണ്. 22 കാരനായ താരം നേരത്തെ മോണ്ടി കാർലോയിൽ വിജയിക്കുകയും ബാഴ്സലോണയിൽ ഫൈനലിൽ എത്തുകയും ചെയ്തിരുന്നു.
