Tag: U19 Women’s World Cup

അണ്ടർ 19 ലോകകപ്പ് കിരീടം ഇന്ത്യ സ്വന്തമാക്കി. ഇന്ന് നടന്ന ഫൈനലിൽ ദക്ഷിണാഫ്രിക്കയെ 9 വിക്കറ്റിന് പരാജയപ്പെടുത്തി കൊണ്ടാണ് ഇന്ത്യ കിരീടം ഉയർത്തിയത്. ഇത് തുടർച്ചയായ രണ്ടാം തവണയാണ് ഇന്ത്യ അണ്ടർ 19 വനിത ടി ട്വന്റി ലോകകപ്പ് നേടുന്നത്. ഇന്ന് ആദ്യം ബാറ്റ് ചെയ്ത ദക്ഷിണാഫ്രിക്ക വെറും 82 റൺസിന് ഓൾഔട്ടായി. 23 റൺസ് എടുത്ത വാൻ ബൂസ്റ്റ് ആണ് അവരുടെ ടോപ് സ്കോറർ ആയത്‌.

ഇന്ത്യക്കായി തൃഷ മൂന്ന് വിക്കറ്റും വൈഷ്ണവി, ആയുഷി, പരുണിക, എന്നിവർ രണ്ട് വിക്കറ്റ് വീതവും നേടി. മറുപടി ബാറ്റിംഗിന് ഇറങ്ങി ഇന്ത്യ അനായാസം വിജയത്തിലേക്ക് എത്തി. ഓപ്പണർ തൃഷ ഇന്ന് ഇന്ത്യയുടെ ടോപ് സ്കോററായി.

തുടക്കത്തിൽ കമാലിനിയുടെ വിക്കറ്റ് നഷ്ടമായെങ്കിലും ഇന്ത്യ പതറിയില്ല. തൃഷ 33 പന്തിൽ നിന്ന് 44 റൺസ് എടുത്ത് ഇന്ത്യയെ വിജയത്തിലേക്ക് നയിച്ചു. സനിക 22 പന്തിൽ 26 റൺസും എടുത്തു. ഇന്ത്യയെ ഇരുവരും ചേർന്ന് 12ആം ഓവറിലേക്ക് വിജയത്തിൽ എത്തിച്ചു.

U19 ടി20 ലോകകപ്പിൽ ഇന്ത്യ ഫൈനലിൽ. ഇന്ന് ഇംഗ്ലണ്ടിനെതിരെ നടന്ന സെമി ഫൈനലിൽ 9 വിക്കറ്റുകൾക്ക് ആണ് ഇന്ത്യൻ യുവതികൾ വിജയിച്ചത്. ഇന്ന് ആദ്യം ബാറ്റു ചെയ്ത ഇംഗ്ലണ്ട് 20 ഓവറിൽ 113/8 എന്ന സ്കോർ മാത്രമെ നേടിയിരുന്നുള്ളൂ.

ഇംഗ്ലണ്ടിനായി 45 റൺസെടുത്ത ഡവിന പെരിൻ ടോപ് സ്കോറർ ആയി. ഇന്ത്യക്ക് ആയി വൈഷ്ണവി ശർമ്മ, പരുണിക എന്നിവർ 3 വിക്കറ്റ് വീതം വീഴ്ത്തി. ആയുശി 2 വിക്കറ്റും വീഴ്ത്തി.

മറുപടി ബാറ്റിന് ഇറങ്ങിയ ഇന്ത്യക്ക് ഓപ്പണർമാരായ കമാലിനിയും തൃഷയും നല്ല തുടക്കം നൽകി. അവർ 9 ഓവറിൽ 60 റൺസ് ഓപ്പണിംഗ് വിക്കറ്റിൽ ചേർത്തു. തൃഷ 29 പന്തിൽ നിന്ന് 35 റൺസ് എടുത്ത് പുറത്തായി.

കമാലിനി 50 പന്തിൽ 56 റൺസ് എടുത്തും ഒപ്പം സനിക 11 റൺസ് എടുത്തും ഇന്ത്യയെ 15ആം ഓവറിലേക്ക് വിജയത്തിലേക്ക് നയിച്ചു. ഫൈനലിൽ ഇനി ഇന്ത്യ ദക്ഷിണാഫ്രിക്കയെ ആകും നേരിടുക.

തൃഷ ഗൊങ്കാഡിയുടെ ഓൾറൗണ്ട് മികവിന്റെ പിൻബലത്തിൽ ഐസിസി അണ്ടർ 19 വനിതാ ടി20 ലോകകപ്പിലെ സൂപ്പർ സിക്സ് മത്സരത്തിൽ സ്കോട്ട്ലൻഡിനെതിരെ ഇന്ത്യ 150 റൺസിന്റെ തകർപ്പൻ വിജയം നേടി. ടൂർണമെന്റിൽ സെഞ്ച്വറി നേടുന്ന ആദ്യ കളിക്കാരിയായി 19 കാരിയായ ഓപ്പണർ തൃഷ ചരിത്രം കുറിച്ചു. 59 പന്തിൽ നിന്ന് 110 റൺസ് നേടി അവ) പുറത്താകാതെ നിന്നു. അഞ്ച് മത്സരങ്ങളിൽ നിന്ന് 230 റൺസ് നേടിയ അവൾ ടൂർണമെന്റിലെ ടോപ്പ് സ്കോററായും മാറി.

കമാലിനി ജി-തൃഷ കൂട്ടുകെട്ട് അണ്ടർ 19 വനിതാ ടി20 ലോകകപ്പ് ചരിത്രത്തിലെ ഏറ്റവും ഉയർന്ന ഓപ്പണിംഗ് കൂട്ടുകെട്ടിനുള്ള പുതിയ റെക്കോർഡുമായി. ആദ്യം ബാറ്റു ചെയ്ത ഇന്ത്യ 207/1 എന്ന മികച്ച സ്കോർ നേടി. തൃഷയുടെ ബാറ്റിംഗ് മികവിന് പുറമേ രണ്ട് ഓവറിൽ ആറ് റൺസ് മാത്രം വഴങ്ങി മൂന്ന് വിക്കറ്റുകളും അവൾ വീഴ്ത്തി. സ്കോട്ട്ലൻഡിനെ വെറും 14 ഓവറിൽ 58 റൺസിന് പുറത്താക്കാൻ ഇന്ത്യക്ക് ആയിം നാല് വിക്കറ്റുകൾ വീഴ്ത്തി ആയുഷി ശുക്ല പന്തു കൊണ്ട് തിളങ്ങി.

സൂപ്പർ സിക്സ് ഗ്രൂപ്പ് 1 ഘട്ടത്തിലെ ആറാം മത്സരത്തിൽ ഇന്ത്യ ബംഗ്ലാദേശ് വനിതാ U19 ടീമിനെ 8 വിക്കറ്റിന് പരാജയപ്പെടുത്തി. ഇതോടെ ഇന്ത്യൻ വനിതാ U19 ടീം സെമി ഫൈനൽ ഉറപ്പിച്ചു. ആദ്യം ബാറ്റ് ചെയ്ത ബംഗ്ലാദേശിന് 20 ഓവറിൽ 8 വിക്കറ്റ് നഷ്ടത്തിൽ 64 റൺസ് മാത്രമേ ഇന്ന് നേടാനായുള്ളൂ.

ഇന്ത്യയ്ക്കായി മികച്ച പ്രകടനം കാഴ്ചവച്ചത് വൈഷ്ണവി ശർമ്മയാണ്, 4 ഓവറിൽ 15 റൺസ് മാത്രം വഴങ്ങി അവൾ 3 വിക്കറ്റ് വീഴ്ത്തി. ഷബ്നം ഷക്കീൽ, ജോഷിത വി.ജെ, ഗൊങ്കഡി തൃഷ എന്നിവർ ഓരോ വിക്കറ്റ് വീതം വീഴ്ത്തി, ഇന്ത്യൻ ഫീൽഡർമാർ രണ്ട് നിർണായക റണ്ണൗട്ടുകളും സൃഷ്ടിച്ചു.

ചെറിയ ലക്ഷ്യം പിന്തുടരാൻ ഇറങ്ങിയ ഇന്ത്യൻ വനിതാ U19 ടീം 10.1 ഓവറിൽ 65/2 എന്ന നിലയിൽ അനായാസം വിജയം കണ്ടു. ടൂർണമെന്റിൽ ഇന്ത്യ ഇതുവരെ പരാജയം അറിഞ്ഞിട്ടില്ല. ഇനി ഒരു മത്സരം കൂടെ സൂപ്പർ സിക്സിൽ ഉണ്ട്.

ഗ്രൂപ്പ് എയിൽ രണ്ടാം മത്സരത്തിൽ മലേഷ്യൻ വനിതാ U19 ടീമിനെ 10 വിക്കറ്റിന് പരാജയപ്പെടുത്തി ഇന്ത്യൻ വനിതാ U19 ടീം ലോകകപ്പിലെ അവരുടെ മികച്ച പ്രകടനം തുടർന്നു. ആദ്യ മത്സരത്തിൽ ഇന്ത്യ 9 വിക്കറ്റിന് വെസ്റ്റിൻഡീസിനെയും തോൽപ്പിച്ചിരുന്നു.

ആദ്യം ബാറ്റ് ചെയ്ത മലേഷ്യ 14.3 ഓവറിൽ വെറും 31 റൺസിന് ഓൾഔട്ടായി. 4-1-5-5 എന്ന മികച്ച ബൗളിംഗ് കാഴ്ച വൈഷ്ണവി ശർമ്മയാണ് ഇന്ത്യയുടെ സ്റ്റാർ ആയത്. വൈഷ്ണവിയുടെ സ്പെല്ലിൽ ഒരു ഹാട്രിക്കും ഉൾപ്പെടുന്നു‌. ആയുഷി ശുക്ല 3 വിക്കറ്റുകളും വീഴ്ത്തി.

ഒരു ചെറിയ ലക്ഷ്യം പിന്തുടർന്ന ഇന്ത്യ 2.5 ഓവറിൽ വിക്കറ്റ് നഷ്ടമില്ലാതെ 32 റൺസ് നേടി. 12 പന്തിൽ നിന്ന് 27 റൺസ് നേടിയ ഗൊങ്കാഡി തൃഷയും 4 റൺസ് ചേർത്ത ജി കമാലിനിയും കളി പെട്ടെന്ന് തന്നെ ഫിനിഷ് ചെയ്തു.