U19 വനിതാ ടി20 ലോകകപ്പിൽ ഇന്ത്യക്ക് വിജയ തുടക്കം. ഇന്ന് ക്വലാലംപൂരിലെ ബയൂമാസ് ഓവലിൽ നടന്ന മത്സരത്തിൽ വെസ്റ്റ് ഇൻഡീസിനെതിരെ ഒമ്പത് വിക്കറ്റിന്റെ തകർപ്പൻ വിജയത്തോടെ ആണ് ഇന്ത്യ തുടങ്ങിയത്. ആദ്യം ഫീൽഡ് ചെയ്ത ഇന്ത്യ 13.2 ഓവറിൽ വെസ്റ്റ് ഇൻഡീസിനെ വെറും 44 റൺസിന് ഓൾ ഔട്ടാക്കി.
പേസർ വി.ജെ. ജോഷിതയാണ് വെസ്റ്റ് ഇൻഡീസ് ക്യാപ്റ്റൻ സമര രാംനാഥിനെയും നവോജാനി കംബർബാച്ചിനെയും തുടക്കത്തിൽ തന്നെ പുറത്താക്കി ടീമിനെ നയിച്ചത്. കരീബിയൻ ടീമിന്റെ അഞ്ച് ബാറ്റ്ർമാർ പൂജ്യത്തിന് പുറത്തായി.
ജോഷിതയുടെ മികച്ച സ്പെൽ (2-0-5-2) അവൾക്ക് പ്ലെയർ ഓഫ് ദി മാച്ച് അവാർഡ് നേടിക്കൊടുത്തു. സ്പിന്നർമാരായ ആയുഷി ശുക്ല (2 വിക്കറ്റ്), പരുണിക സിസോഡിയ (3 വിക്കറ്റ്) എന്നിവർ അവൾക്ക് മികച്ച പിന്തുണ നൽകി.
ചെയ്സിന് ഇറങ്ങിയ ഇന്ത്യ, വെറും 4.2 ഓവറിൽ വിജയലക്ഷ്യം അനായാസം മറികടന്നു. ആക്രമണാത്മക ബാറ്റിംഗിലൂടെ ജി കമാലിനി (16), സാനിക ചാൽക്കെ (18) എന്നിവർ വിജയം ഉറപ്പാക്കി.
ഇനി ജനുവരി 21 ന് മലേഷ്യയെ നേരിടും.