Tag: Thrissur Magic FC

അവിശ്വസനീയ തിരിച്ചുവരവ് കണ്ട മഹീന്ദ്ര സൂപ്പർ ലീഗ് കേരളയുടെ നാലാം റൗണ്ട് മത്സരത്തിൽ
തൃശൂർ മാജിക് എഫ്സി 2-2 ന് കാലിക്കറ്റ് എഫ്സിയെ സമനിലയിൽ തളച്ചു. കോഴിക്കോട് ഇഎംഎസ് സ്റ്റേഡിയത്തിൽ നടന്ന ആവേശകരമായ മത്സരത്തിൻ്റെ രണ്ടാം പകുതിയിലാണ് നാല് ഗോളുകളും പിറന്നത്. രണ്ടു ഗോളിന് പിന്നിട്ട് നിന്ന ശേഷമായിരുന്നു തൃശൂർ ടീമിൻ്റെ തിരിച്ചു വരവ്. മുഹമ്മദ് റിയാസ്, പി എം ബ്രിട്ടോ എന്നിവർ കാലിക്കറ്റ് എഫ്സിക്കായും ബ്രസീൽ താരങ്ങളായ ഫിലോ, ലൂക്കാസ് സിൽവ എന്നിവർ തൃശൂർ ടീമിനായും സ്കോർ ചെയ്തു.

വിജയം ലക്ഷ്യമിട്ട് തോയി സിംഗ്, ഗനി നിഗം, ബെൽഫോർട്ട് ത്രിമൂർത്തികളെ ആക്രമണത്തിൽ അണിനിരത്തിയാണ് കാലിക്കറ്റ് കോച്ച് ഇയാൻ ആൻഡ്രൂ ഗിലാൻ ഇന്നലെ ടീമിനെ വിന്യസിച്ചത്. നായകൻ സി കെ വിനീതിനൊപ്പം ബ്രസീൽ താരങ്ങളായ മാർസലോ, അലക്സ് സാൻ്റോസ് എന്നിവരെയിറക്കി തൃശൂർ മാജിക് എഫ്സിയും മുന്നേറ്റനിര ശക്തിപ്പെടുത്തി.

തൃശൂർ ടീം തൊട്ടുനീക്കിയ പന്തിൽ ആദ്യ ഗോൾ മണമുള്ള നീക്കം കാണാൻ പത്താം മിനിറ്റ് വരെ കാത്തിരിക്കേണ്ടി വന്നു. ഫ്രീകിക്കിൽ നിന്ന് വന്ന പന്ത് വിനീത് കാലിക്കറ്റ് വലയിൽ എത്തിച്ചെങ്കിലും റഫറിയുടെ ഓഫ്സൈഡ് കൊടി പൊങ്ങി. കാലിക്കറ്റ് എഫ്സിയുടെ ഗോൾവേട്ടക്കാരൻ ഗനി നിഗമിനെ കൃത്യമായി മാർക്ക് ചെയ്യാൻ തൃശൂർ ഡിഫൻസിന് സാധിച്ചതോടെ ആദ്യ പകുതിയിൽ മത്സരം കാര്യമായ മുന്നേറ്റങ്ങൾ ഒന്നുമില്ലാതെ ഗോൾ രഹിതമായി അവസാനിച്ചു.

ഗോളുകളുടെ രണ്ടാം പകുതി

രണ്ടാം പകുതിയിൽ പി എം ബ്രിട്ടോയെ കൊണ്ടുവന്ന് കാലിക്കറ്റും ഷംനാദിനെ ഇറക്കി തൃശൂരും ആക്രമണത്തിന് കരുത്ത് കൂട്ടി. നാല്പത്തി ഒൻപതാം മിനിറ്റിൽ തന്നെ ഫലം കണ്ടു. ഗനി നൽകിയ പന്തിൽ താളം പിടിച്ച് വെട്ടിയൊഴിഞ്ഞ് മുന്നേറിയ ബ്രിട്ടോ പറത്തിയ കരുത്തുറ്റ ഷോട്ട് തൃശൂർ ഗോളി ജോയ് തട്ടിയിട്ടു. റീബൗണ്ടിന് കൃത്യം പൊസിഷനിൽ ഹാജരായ യുവതാരം മുഹമ്മദ് റിയാസ് പന്ത് പോസ്റ്റിൽ നിക്ഷേപിച്ചു. കാലിക്കറ്റിന് ലീഡ് 1-0. അറുപത്തിയേഴാം മിനിറ്റിൽ ഗോളി മാത്രം മുന്നിൽ നിൽക്കെ ലഭിച്ച അവസരം റിയാസ് പുറത്തേക്കടിച്ച് തുലച്ചു.
എൺപത്തിയൊന്നാം മിനിറ്റിൽ അഭിറാം നൽകിയ പാസ് ഹെഡ്ഡർ വഴി ഗോളാക്കി മാറ്റി ബ്രിട്ടോ കാലിക്കറ്റ് എഫ്സിയുടെ ലീഡ് ഇരട്ടിയാക്കി. വിജയം ഉറപ്പിച്ച കാലിക്കറ്റ് എഫ്സി ആരാധകരെ അമ്പരപ്പിച്ച് കളിയുടെ അവസാന നിമിഷങ്ങളിൽ
ഫിലോ, ലൂക്കാസ് സിൽവ എന്നിവരിലൂടെ ഗോൾ കണ്ടെത്തിയ തൃശൂർ വിജയസമാനമായ സമനില പിടിച്ചുവാങ്ങി.

സമനിലയോടെ നാല് കളിയിൽ ആറ് പോയൻ്റ് നേടിയ കാലിക്കറ്റ് ടേബിളിൽ ഒന്നാം സ്ഥാനത്ത് തുടരുന്നു. നാല് കളിയിൽ രണ്ട് പോയൻ്റ് മാത്രമുള്ള തൃശൂർ അവസാന സ്ഥാനത്താണ്.

സൂപ്പർ ലീഗ് കേരളയിലെ രണ്ടാം മത്സരത്തിൽ തൃശ്ശൂർ മാജിക് എഫ് സിയെ കണ്ണൂർ വാരിയേഴ്സ് തോൽപ്പിച്ചു. മലപ്പുറം പയ്യനാട് സ്റ്റേഡിയത്തിൽ നടന്ന മത്സരത്തിൽ തുടക്കത്തിൽ ഒരു ഗോളിന് പിറകിൽ നിന്ന ശേഷം തിരിച്ചടിച്ച് 2-1ന്റെ വിജയം സ്വന്തമാക്കി. 95ആം മിനുട്ടിലെ ഗോളിൽ ആയിരിന്നു കണ്ണൂരിന്റെ വിജയം.

ഇന്ന് ആദ്യ പകുതിയിൽ തൃശ്ശൂർ മാജിക്കാണ് മികച്ചു നിന്നത്. ആദ്യ അവർ സി കെ വിനീതിന്റെ ഒരു ഹെഡറിലൂടെ ഗോളിന് അടുത്ത് എത്തി. ക്യാപ്റ്റൻ കൂടിയായ വിനീതിന്റെ ഹെഡർ പോസ്റ്റിൽ തട്ടി മടങ്ങുകയായിരുന്നു. മത്സരത്തിന്റെ 36ആം മിനുട്ടിൽ തൃശ്ശൂർ ആദ്യ ഗോൾ കണ്ടെത്തി. സി കെ വിനീത് നൽകിയ പാസ് സ്വീകരിച്ച് അഭിജിത്ത് ആണ് ഗോൾ നേടിയത്.

See more

That C.K. Vineeth ->Abhijit connection 🤝#Matchday #SLK #SuperLeagueKerala pic.twitter.com/aQOPhDjzsb

— Super League Kerala (@slk_kerala) September 9, 2024

രണ്ടാം പകുതിയിൽ കണ്ണൂർ ശക്തമായി തിരികെ വന്നു. അവർ 76ആം മിനുട്ടിൽ ഡേവിഡ് ഗ്രാൻഡെയിലൂടെ സമനില ഗോൾ നേടി. ഒരു സെറ്റ് പീസിൽ നിന്ന് ലഭിച്ച അവസരം മുതലാക്കി ആയിരുന്നു ഈ ഗോൾ.

88ആം മിനുട്ടിൽ തൃശ്ശൂരിന്റെ ഹെൻറി ആന്റ്ണി രണ്ടാം മഞ്ഞ കാർഡ് വാങ്ങി ചുവപ്പുമായി കളത്തിന് പുറത്തേക്ക് പോയി. ഇതിനു ശേഷം കണ്ണൂർ കൂടുതൽ സമ്മർദ്ദം ഉയർത്തി. അവസാനം 95ആം മിനുട്ടിൽ ആല്വാരോ ആല്വാരസിന്റെ ഒരു ഹെഡറിലൂടെ കണ്ണൂർ വാരിയേഴ്സ് വിജയം ഉറപ്പിച്ചു.

സൂപ്പർ ലീഗ് കേരളയിൽ സി കെ വിനീത് കളിക്കും. മുൻ ഇന്ത്യൻ താരം വിനീതിനെ തൃശൂർ മാജിക് എഫ് സി സ്വന്തമാക്കിയതായി ക്ലബ് ഔദ്യോഗികമായി പ്രഖ്യാപിച്ചു. അവസാന വർഷങ്ങളിൽ പ്രൊഫഷണൽ ഫുട്ബോളിൽ ഇല്ലാതിരുന്ന സി കെ വിനീതിന്റെ പ്രൊഫഷണൽ ഫുട്ബോളിലേക്കുള്ള തിരിച്ചുവരവാകും ഇത്.

സി കെ വിനീത് അവസാനം 2021ൽ പഞ്ചാബ് എഫ് സിയിൽ ആണ് കളിച്ചത്. മുമ്പ് ഐ എസ് എല്ലിൽ കേരള ബ്ലാസ്റ്റേഴ്സിനായി ഗംഭീര പ്രകടനങ്ങൾ കാഴ്ചവെച്ചിട്ടുള്ള താരമാണ് സി കെ വിനീത്. സ്റ്റീവ് കോപ്പലിന് കീഴിൽ കേരള ബ്ലാസ്റ്റേഴ്സ് ഐ എസ് എൽ ഫൈനലിൽ എത്തിയപ്പോൾ കേരള ബ്ലാസ്റ്റേഴ്സിന്റെ പ്രധാന താരമായിരുന്നു ഈ കണ്ണൂരുകാരൻ. ചെന്നൈയിൻ എഫ് സിക്ക് വേണ്ടിയും ജംഷദ്പൂരിന് വേണ്ടിയും ഈസ്റ്റ് ബംഗാളിനു വേണ്ടിയും ഐ എസ് എല്ലിൽ സി കെ കളിച്ചിട്ടുണ്ട്. മുമ്പ് ബെംഗളൂരു എഫ് സിക്ക് ഒപ്പം 2 ഐ ലീഗ് കിരീടങ്ങളും സി കെ വിനീത് ഉയർത്തിയിട്ടുണ്ട്.