Tag: Smriti Mandhana

ജനുവരി 10ന് രാജ്‌കോട്ടിൽ ആരംഭിക്കുന്ന അയർലൻഡിനെതിരായ മൂന്ന് മത്സര ഏകദിന പരമ്പരയിൽ ഹർമൻപ്രീത് കൗറിനും രേണുക സിംഗ് താക്കൂറിനും വിശ്രമം നൽകുമെന്ന് ഇന്ത്യൻ ക്രിക്കറ്റ് കൺട്രോൾ ബോർഡ് (ബിസിസിഐ) അറിയിച്ചു. ഓപ്പണർ സ്മൃതി മന്ദാനയാണ് ഹർമൻപ്രീതിൻ്റെ അഭാവത്തിൽ ഇന്ത്യൻ ടീമിനെ നയിക്കുക.

വെസ്റ്റ് ഇൻഡീസിനെതിരായ ഹോം പരമ്പരയ്ക്കിടെ കാൽമുട്ടിനേറ്റ പരിക്കിൽ നിന്ന് അടുത്തിടെ തിരിച്ചെത്തിയ ഹർമൻപ്രീതിന് പൂർണമായി സുഖം പ്രാപിക്കാൻ സമയം അനുവദിച്ചു. ഒക്ടോബറിൽ നടന്ന വനിതാ ടി20 ലോകകപ്പിനിടെ അവർക്ക് കഴുത്തിന് പരിക്കേറ്റിരുന്നു. അതുപോലെ, മൂന്ന് മത്സരങ്ങളിൽ നിന്ന് 10 വിക്കറ്റ് നേടിയ വെസ്റ്റ് ഇൻഡീസ് ഏകദിന പരമ്പരയിലെ താരമായ രേണുക സിംഗിനും വിശ്രമം അനുവദിച്ചു.

മലയാളി താരം മിന്നു മണി ടീമിൽ ഇടം നേടി.

ആദ്യ ഏകദിനം: ജനുവരി 10

രണ്ടാം ഏകദിനം: ജനുവരി 12

മൂന്നാം ഏകദിനം: ജനുവരി 15

ഇന്ത്യൻ സ്ക്വാഡ്:
സ്മൃതി മന്ദാന (സി), ദീപ്തി ശർമ്മ (വിസി), പ്രതീക റാവൽ, ഹർലീൻ ഡിയോൾ, ജെമീമ റോഡ്രിഗസ്, ഉമാ ചേത്രി (WK), റിച്ച ഘോഷ് (WK), തേജൽ ഹസബ്നിസ്, രാഘ്വി ബിസ്റ്റ്, മിന്നു മണി, പ്രിയ മിശ്ര, തനുജ കൻവർ, ടിറ്റാസ് സാധു , സൈമ താക്കൂർ, സയാലി സത്ഘരെ.

ൽനവി മുംബൈയിൽ നടന്ന പരമ്പര നിർണ്ണയിച്ച മത്സരത്തിൽ ഇന്ത്യ വെസ്റ്റ് ഇൻഡീസിനെ 60 റൺസിന് പരാജയപ്പെടുത്തി. അഞ്ച് വർഷത്തിനിടെ ഇന്ത്യൻ വനിതാ ക്രിക്കറ്റ് ടീം അവരുടെ ആദ്യത്തെ ഹോം ടി20 ഐ പരമ്പര വിജയം ഇതോടെ നേടി. വനിതാ ടി20യിലെ ഏറ്റവും ഉയർന്ന ടീം സ്‌കോറായ 217/4 എന്ന സ്‌കോറാണ് ഇന്ത്യ മൂന്നാം ടി20 ഐയിൽ നേടിയത്.

സ്മൃതി മന്ദാന 47 പന്തിൽ 77 നേടി ഇന്ത്യക്ക് മികച്ച തുടക്കമാണ് നൽകിയത്. റിച്ച ഘോഷ് 21 പന്തിൽ 54 റൺസുമായും വെടിക്കെട്ട് ബാറ്റിംഗ് കാഴ്ചവെച്ചു. ഘോഷിൻ്റെ 18 പന്തിലെ അർധസെഞ്ചുറി, വനിതാ ടി20 ഐ ചരിത്രത്തിലെ ഏറ്റവും വേഗമേറിയ അർധസെഞ്ചുറിയാണ്..

ചിനെല്ലെ ഹെൻറിയുടെ (16 പന്തിൽ 43) നേതൃത്വത്തിലുള്ള വെസ്റ്റ് ഇൻഡീസ് ശക്തമായ മറുപടി നൽകിയെങ്കിലും അവർ 157/9 എന്ന നിലയിൽ അവസാനിച്ചു. ഇന്ത്യ 2-1 ന് പരമ്പര സ്വന്തമാക്കി, 2019 ൽ ആണ് ഇന്ത്യ അവസാനമായി ഒരു ഹോം ടി20 ഐ പരമ്പര ഇതിനു മുമ്പ് വിജയിച്ചത്.

ഐസിസിയുടെ ഏറ്റവും പുതിയ വനിതാ താരങ്ങളുടെ റാങ്കിംഗിൽ ഇന്ത്യയുടെ സ്റ്റാർ ഓപ്പണർ സ്മൃതി മന്ദാന ശ്രദ്ധേയമായ മുന്നേറ്റം നടത്തി. ഓസ്‌ട്രേലിയയ്ക്കും വെസ്റ്റിൻഡീസിനുമെതിരായ മിന്നുന്ന പ്രകടനത്തെത്തുടർന്ന് മന്ദാന ഏകദിന ബാറ്റിംഗ് റാങ്കിംഗിൽ രണ്ടാം സ്ഥാനത്തേക്കും ടി20 റാങ്കിംഗിൽ മൂന്നാം സ്ഥാനത്തേക്കും ഉയർന്നു. പെർത്തിൽ ഓസ്‌ട്രേലിയയ്‌ക്കെതിരായ ഐസിസി വനിതാ ചാമ്പ്യൻഷിപ്പ് പരമ്പരയിലെ അവസാന ഏകദിനത്തിൽ 105 റൺസ് മന്ദാന നേടിയിരുന്നു. നവി മുംബൈയിൽ വെസ്റ്റ് ഇൻഡീസിനെതിരായ ആദ്യ ടി20 ഐയിൽ നിർണായകമായ 54 റൺസും അവർ നേടി.

മറ്റ് ഇന്ത്യൻ താരങ്ങളും ശ്രദ്ധേയമായ നേട്ടമുണ്ടാക്കി. ഇന്ത്യയുടെ ക്യാപ്റ്റൻ ഹർമൻപ്രീത് കൗർ ടി20 ബാറ്റിംഗ് റാങ്കിംഗിൽ ആദ്യ പത്തിൽ ഇടം നേടി, ടി20 ഐ ഓപ്പണറിൽ 73 റൺസ് നേടിയ ജെമിമ റോഡ്രിഗസ് ആറ് സ്ഥാനങ്ങൾ മെച്ചപ്പെടുത്തി 15-ാം സ്ഥാനത്തെത്തി. T20I ബൗളിംഗ് റാങ്കിംഗിൽ ദീപ്തി ശർമ്മ രണ്ടാം സ്ഥാനത്തെത്തി. അരുന്ധതി റെഡ്ഡി ഏകദിന ബൗളിംഗ് റാങ്കിംഗിൽ 48 സ്ഥാനങ്ങൾ മെച്ചപ്പെടുത്തി 51-ാം സ്ഥാനത്തെത്തി. ൽ

നവി മുംബൈയിലെ ഡോ. ഡി.വൈ. പാട്ടീൽ സ്‌പോർട്‌സ് അക്കാദമിയിൽ നടക്കുന്ന വെസ്റ്റ് ഇൻഡീസിനെതിരായ മൂന്ന് മത്സരങ്ങളുടെ ടി20 ഐ പരമ്പരയിലെ ആദ്യ മത്സരത്തിൽ ഇന്ത്യ 49 റൺസിൻ്റെ തകർപ്പൻ വിജയം നേടി. ആദ്യം ബാറ്റ് ചെയ്യാൻ തിരഞ്ഞെടുത്ത ഇന്ത്യ, 195/4 എന്ന സ്‌കോർ നേടി.

സ്മൃതി മന്ദാനയും ഉമാ ചേത്രിയും ചേർന്ന് 50 റൺസിൻ്റെ മികച്ച ഓപ്പണിംഗ് കൂട്ടുകെട്ട് നൽകി. വെറും 33 പന്തിൽ ഏഴ് ബൗണ്ടറികളും രണ്ട് സിക്‌സറുകളും ഉൾപ്പടെ 54 റൺസ് മന്ദാന നേടി. 35 പന്തിൽ ഒമ്പത് ഫോറും രണ്ട് സിക്‌സും ഉൾപ്പെടെ 73 റൺസുമായി ജെമിമ റോഡ്രിഗസ് ആണ് കളിയിലെ താരമായത്‌. 28 പന്തിൽ നേടിയ ഫിഫ്റ്റി ജമീമയുടെ T20I കരിയറിലെ ഏറ്റവും വേഗതയേറിയതായിരുന്നു.

മറുപടി ബാറ്റിങ്ങിൽ വെസ്റ്റ് ഇൻഡീസ് തുടക്കത്തിലേ പതറി. ക്യാപ്റ്റൻ ഹെയ്‌ലി മാത്യൂസിനെ ടിറ്റാസ് സാധു 4 റൺസിന് പുറത്താക്കി. 28 പന്തിൽ നാല് ബൗണ്ടറികളും മൂന്ന് സിക്‌സറുമടക്കം 52 റൺസുമായി ഡിയാന്ദ്ര ഡോട്ടിൻ തിരിച്ചടിച്ചപ്പോൾ, ക്യാന ജോസഫ് 33 പന്തിൽ 49 റൺസ് നേടി. എങ്കിലും വിജയം അകലെ നിന്നു. സാധു 3/37 എന്ന നിലയിൽ സ്പെൽ പൂർത്തിയാക്കിയപ്പോൾ ദീപ്തി ശർമ്മയും രാധാ യാദവും രണ്ട് വിക്കറ്റ് വീതം വീഴ്ത്തി ഇന്ത്യയുടെ വിജയം ഉറപ്പിച്ചു.

ഒരു കലണ്ടർ വർഷത്തിൽ നാല് ഏകദിന സെഞ്ചുറികൾ നേടുന്ന ആദ്യ വനിതാ ക്രിക്കറ്റ് താരമായി സ്മൃതി മന്ദാന ചരിത്രം സൃഷ്ടിച്ചു. പെർത്തിലെ WACA ഗ്രൗണ്ടിൽ ഓസ്‌ട്രേലിയയ്‌ക്കെതിരായ മൂന്നാം ഏകദിനത്തിൽ 299 റൺസ് വിജയലക്ഷ്യം പിന്തുടരുന്നതിനിടെ 109 പന്തിൽ 105 റൺസ് നേടിയാണ് ഇന്ത്യൻ ഓപ്പണർ ഈ നാഴികക്കല്ല് നേടിയത്.

വനിത ഏകദിന ക്രിക്കറ്റിൽ 3 സെഞ്ച്വറി വരെയെ ആരെങ്കിലും ഒരു വർഷത്തിൽ ഇതുവരെ നേടിയിട്ടുണ്ടായിരുന്നുള്ളൂ. മന്ദാനയുടെ ശ്രദ്ധേയമായ ഇന്നിങ്സ് ഉണ്ടായിരുന്നിട്ടും, ഇന്ത്യ വിജയിച്ചിരുന്നില്ല. മധ്യനിരയും ലോവർ ഓർഡറും ഒരു നല്ല കൂട്ടുകെട്ടുണ്ടാക്കുന്നതിൽ പരാജയപ്പെട്ടു, 45.1 ഓവറിൽ 215 റൺസിന് പുറത്തായ ഇന്ത്യ 83 റൺസിന് തോറ്റു.

അഹമ്മദാബാദിൽ നടന്ന ആവേശകരമായ പരമ്പര നിർണയ പോരാട്ടത്തിൽ ഇന്ത്യൻ വനിതകൾ വിജയിച്ചു. സ്മൃതി മന്ദാന തൻ്റെ എട്ടാം ഏകദിന സെഞ്ചുറി ഇന്ന് നേടി. ന്യൂസിലൻഡിനെ ആറ് വിക്കറ്റിന് തോൽപിച്ച് മൂന്ന് മത്സരങ്ങളുടെ ഏകദിന പരമ്പര 2-1 ന് സ്വന്തമാക്കാൻ ഇന്ത്യക്ക് ആയി. ന്യൂസിലൻഡിനെ 232 റൺസിന് പുറത്താക്കിയ ഇന്ത്യ 34 പന്തുകൾ ബാക്കി നിൽക്കെ ലക്ഷ്യം മറികടന്നു.

ദീപ്തി ശർമ്മ തൻ്റെ 10 ഓവറിൽ 3/39 എന്ന സ്റ്റാറ്റ്സുമായി പന്തു കൊണ്ട് തിളങ്ങി. 96 പന്തിൽ 86 റൺസെടുത്ത ബ്രൂക്ക് ഹാലിഡേയാണ് ന്യൂസിലൻഡിനായി മികച്ച പ്രകടനം കാഴ്ചവെച്ചത്. എന്നിരുന്നാലും, ഇന്ത്യയുടെ ബൗളർമാരുടെ സ്ഥിരതയാർന്ന പ്രകടനം ന്യൂസിലൻഡിൻ്റെ സ്‌കോറിനെ പരിമിതപ്പെടുത്തി.

മന്ദാനയുടെ 122 പന്തിൽ 100, ഏകദിനത്തിൽ ഏറ്റവും കൂടുതൽ സെഞ്ചുറികൾ നേടിയ ഇന്ത്യൻ വനിതാ താരമെന്ന മിതാലി രാജിൻ്റെ റെക്കോർഡ് തകർത്തു. മൂന്നാം വിക്കറ്റിൽ ഹർമൻപ്രീതുമായി ചേർന്ന് 117 റൺസിൻ്റെ മാച്ച് വിന്നിംഗ് കൂട്ടുകെട്ട് സ്മൃതി ചേർത്തു. 59 റൺസെടുത്ത ഹർമൻപ്രീത് കൗർ മികച്ച പിന്തുണ നൽകി.