അയർലൻഡിനെതിരായ മികച്ച പരമ്പരയ്ക്ക് ശേഷം ഐസിസി വനിതാ ഏകദിന ബാറ്റിംഗ് റാങ്കിംഗിൽ ഇന്ത്യയുടെ സ്മൃതി മന്ദാന രണ്ടാം സ്ഥാനത്തേക്ക് ഉയർന്നു. ആദ്യ പത്തിൽ ഇടം നേടിയ ഏക ഇന്ത്യൻ താരം സ്മൃതി മന്ദാനയാണ്. 738 പോയിന്റുകൾ സ്മൃതിക്ക് ഉണ്ട്. ദക്ഷിണാഫ്രിക്കയുടെ ലോറ വോൾവാർഡ് 773 പോയിന്റുമായി പട്ടികയിൽ ഒന്നാമത് നിൽക്കുന്നു. ശ്രീലങ്കയുടെ ചമാരി അതപത്തു 733 പോയിന്റുമായി മൂന്നാം സ്ഥാനത്താണ്.
പരമ്പരയിൽ തന്റെ കന്നി സെഞ്ച്വറി കണ്ടെത്തിയ ജെമീമ റോഡ്രിഗസ് 17-ാം സ്ഥാനത്തേക്ക് ഉയർന്നു, അതേസമയം ദീപ്തി ശർമ്മ ബൗളിംഗ് റാങ്കിംഗിൽ നാലാം സ്ഥാനത്തും ഓൾറൗണ്ടർമാരിൽ ആറാം സ്ഥാനത്തുമാണ്.