Tag: Sarfaraz Khan

ഇംഗ്ലണ്ടിനെതിരായ അവസാന ടെസ്റ്റിൽ ഇന്ത്യ വലിയ ലീഡിലേക്ക്‌. ഇന്ന് അഞ്ചാമത്തെ ടെസ്റ്റിന്റെ രണ്ടാം ദിവസം രണ്ടാം സെഷൻ അവസാനിക്കുമ്പോൾ ഇന്ത്യ 150 റൺസിന്റെ ലീഡിൽ നിൽക്കുകയാണ്. ഇപ്പോൾ 370ന് 3 എന്ന നിലയിലാണ് ഇന്ത്യ ഉള്ളത്. അർധ സെഞ്ച്വറിയുമായി സർഫറാസ് ഖാനും 44 റൺസുമായി ദേവ്ദത്ത് പടിക്കലുമാണ് ക്രീസിൽ ഉള്ളത്.

ഇന്ന് രാവിലത്തെ സെഷനിൽ ആക്രമിച്ചു കളിച്ച് സെഞ്ച്വറി നേടിയ രോഹിത് ശർമ്മയെയും ഗില്ലിനെയും ലഞ്ചിനു ശേഷം ആദ്യ ഓവറുകളിൽ തന്നെ ഇന്ത്യൽക് നഷ്ടമായിരുന്നു. രോഹിത് ശർമ ഇപ്പോൾ 162 പന്തിൽ 103 റൺസുമായി പുറത്തായി. മൂന്ന് സിക്സും 13 ഫോറും അടങ്ങുന്നതാണ് രോഹിത് ശർമയുടെ ഇന്നിംഗ്സ്. 150 പന്തിൽ 110 റൺസ് എടുത്താണ് ഗിൽ ഔട്ടായത്. ഗിൽ 5 സിക്സും 12 ഫോറും അടിച്ചു.

ഇതിനു ശേഷം ക്രീസിൽ എത്തിയ അരങ്ങേറ്റക്കാരൻ ദേവ്ദത്ത് പടിക്കലും സർഫറാസ് ഖാനും മികച്ച രീതിയിൽ ബാറ്റു ചെയ്തു. സർഫറാസ് ഖാൻ 59 പന്തിൽ നിന്ന് 56 റൺസ് എടുത്തു. 1 സിക്സും 8 ഫോറും സർഫറാസ് അടിച്ചു. പടിക്കൽ 77 പന്തിൽ നിന്ന് 44 റൺസ് എടുത്ത് നിൽക്കുന്നു. 8 ബൗണ്ടറികൾ പടിക്കാൽ ഇതുവരെ അടിച്ചു.

ഇന്നലെ ആദ്യദിവസം ഇന്ത്യയ്ക്ക് അർദ്ധസഞ്ചറി നേടിയ ജയ്സ്വാളിന്റെ വിക്കറ്റ് നഷ്ടമായിരുന്നു. ഇംഗ്ലണ്ട് 218 റൺസിനാണ് ഇന്നലെ ആദ്യ ഇന്നിംഗ്സിൽ ഓളൗട്ട് ആയത്‌.

യശസ്വി ജയ്സ്വാളിന്റെ ഗംഭീര ഇരട്ട സെഞ്ച്വറിക്ക് ഇടയിലും നമ്മൾ മറക്കാൻ പാടില്ലാത്ത പ്രകടനമാണ് സർഫറാസ് ഖാനിൽ നിന്ന് ഉണ്ടായത്. സർഫറാസ് അരങ്ങേറ്റത്തിൽ രണ്ട് ഇന്നിംഗ്സിലും അർധ സെഞ്ച്വറി നേടി. ആദ്യ ഇന്നിംഗ്സിൽ സർഫറാസ് 66 പന്തിൽ നിന്ന് 62 റൺസ് എടുത്തിരുന്നു. ആ ഇന്നിംഗ്സിൽ ഒരു നിർഭാഗ്യകരമായ റണ്ണൗട്ട് ആണ് സർഫറാസിന് വിനയായത്. അല്ലെങ്കിൽ ആദ്യ ഇന്നിങ്സിൽ സെഞ്ച്വറിയിലേക്ക് തന്നെ സർഫറാസ് എത്തിയേനെ.

ഇന്ന് രണ്ടാം ഇന്നിങ്സിലും സർഫറാസ് അനായസമാണ് ബാറ്റു ചെയ്തത്‌ ജയ്സ്വാളിനൊപ്പം തകർത്തടിച്ച് സർഫറാസും കളിച്ചു. 72 പന്തിൽ നിന്ന് 68 റൺസ് സർഫറാസ് അടിച്ചു പുറത്താകാതെ നിന്നു. 3 സിക്സും 6 ഫോറും സർഫറാസിന്റെ ബാറ്റിൽ നിന്ന് പിറന്നു. ഇന്ത്യ ഡിക്ലയർ ചെയ്തതു കൊണ്ട് സർഫറാസിന് തന്റെ ആദ്യ സെഞ്ച്വറിക്ക് ആയി ഇനിയും കാത്തു നിൽക്കേണ്ടി വരും. എങ്കിലും ആദ്യ ടെസ്റ്റിൽ തന്നെ ഇത്ര മികച്ച പ്രകടനം നടത്താനായത് സർഫറാസിന്റെ ഇന്ത്യൻ ടെസ്റ്റ് ടീമിലെ സ്ഥാനം ഉറപ്പിക്കും. ഏറെ കാത്തുനിന്നു ലഭിച്ച അവസരം സർഫറാസ് രണ്ട് കയ്യും നീട്ടി സ്വീകരിച്ചു എന്ന് പറയാം.

അരങ്ങേയം ഗംഭീരമാക്കി സർഫറാസ് ഖാൻ. ഇന്ന് ഇന്ത്യക്ക് ആയി ടെസ്റ്റ് അരങ്ങേറ്റം നടത്തിയ സർഫറാസ് ഖാൻ തന്റെ ടാലന്റ് എന്താണെന്ന് ലോക ക്രിക്കറ്റ് പ്രേമികൾക്ക് കാണിച്ചു കൊടുത്തു. ഇന്ന് ആറാമനായി എത്തിയ സർഫറാസ് അനായാസം ബാറ്റു ചെയ്ത് അർധ സെഞ്ച്വറി നേടി. വെറും 47 പന്തിൽ നിന്നാണ് സർഫറാസ് അർധ സെഞ്ച്വറി നേടിയത്‌. ഒരു ഇന്ത്യൻ താരത്തിന്റെ അരങ്ങേറ്റത്തിലെ ഏറ്റവും വേഗതയാർന്ന സെഞ്ച്വറി എന്ന റെക്കോർഡിനൊപ്പം എത്താൻ സർഫറാസിനായി.

66 പന്തിൽ 62 റൺസുമായി സർഫറാസ് പുറത്തായത്. അതും ഒരു നിർഭാഗ്യകരമായ റണ്ണൗട്ടിലൂടെ ആയിരുന്നു. ജഡേജ ഒരു സിംഗിളിന് വിളിച്ച് പകുതിക്ക് വെച്ച് ഓട്ടം നിർത്തിയത് സർഫറാസിനെ പ്രശ്നത്തിൽ ആക്കുകയായിരുന്നു. സ്പിന്നിനെയും പേസിനെയും അനായാസം കളിച്ച സർഫറാസ് ഖാൻ 9 ഫോറും 1 സിക്സും അടിച്ചു. സ്പിന്നർമാരാണ് സർഫറാസിന്റെ ബാറ്റിന്റെ ചൂടറിഞ്ഞത്.

ഇംഗ്ലണ്ടിന് എതിരായ മൂന്നാം ടെസ്റ്റിൽ ഇന്ത്യ ആദ്യം ബാറ്റു ചെയ്യും. ടോസ് നേടിയ രോഹിത് ശർമ്മ ബാറ്റു ചെയ്യാൻ തീരുമാനിക്കുകയായിരുന്നു. ഇന്ത്യക്ക് ആയി ഇന്ന് സർഫറാസ് ഖാനും ദ്രുവ് ജുറേലും അരങ്ങേറ്റം നടത്തും. രവീന്ദ്ര ജഡേജ, മുഹമ്മദ് സിറാജ് എന്നിവർ ടീമിലേക്ക് മടങ്ങിയെത്തി.

രജത് പടിദാർ തന്റെ സ്ഥാനം നിലനിർത്തി‌. മുകേഷ് കുമാറിനെ സ്ക്വാഡിൽ നിന്ന് റിലീസ് ചെയ്തതായും ഇന്ത്യ അറിയിച്ചു.

India XI: R Sharma (c), Y Jaiswal, S Gill, R Patidar, S Khan, D Jurel (wk), R Jadeja, R Ashwin, K Yadav, M Siraj, J Bumrah

England XI: B Stokes (c), Z Crawley, B Duckett, O Pope, J Root, J Bairstow, B Foakes (wk), R Ahmed, T Hartley, M Wood, J Anderson.

ഇംഗ്ലണ്ടിനെതിരായ രണ്ടാം ടെസ്റ്റിനുള്ള ഇന്ത്യൻ ടീമിൽ സർഫറാസ് ഖാൻ ഇടം നേടി. ദീർഘകാലമായുള്ള സർഫറാാ ഖാന്റെ കാത്തിരിപ്പിനാണ് ഇതോടെ അവസാനമായത്. സർഫറാസിനൊപ്പം സൗരഭ് കുമാർ, വാഷിംഗ്ടൺ സുന്ദർ എന്നിവരെയും ടീമിൽ ഉൾപ്പെടുത്തി. കെ എൽ രാഹുലും രവീന്ദ്ര ജഡേജയും പരിക്കിനെ തുടർന്ന് പുറത്തായി.

വലത് ക്വാഡ്രൈസ്‌പ്‌സ് വേദനയെ തുടർന്നാണ് ജഡേജയെ ഒഴിവാക്കിയത്‌. രാഹുലിന് ഹാംസ്ട്രിംഗ് ഇഞ്ച്വറിയാണ്. അടുത്തിടെ അഹമ്മദാബാദിലെ നരേന്ദ്ര മോദി സ്റ്റേഡിയത്തിൽ നടന്ന 4 ദിവസത്തെ അനൗദ്യോഗിക ടെസ്റ്റിൽ ഇംഗ്ലണ്ട് ലയൺസിനെതിരെ മികച്ച പ്രകടനം കാഴ്ചവെച്ചതാണ് സർഫറാസിനെ ടീമിൽ എത്തിച്ചത്. ആ മത്സരത്തിൽ 160 പന്തിൽ 18 ഫോറും 5 സിക്സും സഹിതം 161 റൺസ് നേടിയ 26കാരൻ പ്ലെയർ ഓഫ് ദ മാച്ച് പുരസ്കാരം നേടിയിരുന്നു.

സൗരബ് കുമാർ ആകട്ടെ അതേ മത്സരത്തിൽ രണ്ടാം ഇന്നിംഗ്‌സിൽ 5 വിക്കറ്റ് നേട്ടം ഉൾപ്പെടെ ആകെ ആറ് വിക്കറ്റ് നേടിയിരുന്നു. 68 ഫസ്റ്റ് ക്ലാസ് മത്സരങ്ങളിൽ നിന്ന് 15 നാല് വിക്കറ്റും 22 അഞ്ച് വിക്കറ്റും എട്ട് 10 വിക്കറ്റും നേടിയ സൗരഭ് ആകെ 290 വിക്കറ്റുകൾ നേടിയിട്ടുണ്ട്.

വെസ്റ്റ് ഇൻഡീസ് പര്യടനത്തിനുള്ള ഇന്ത്യൻ ടീമിൽ സർഫറാസ് ഖാനെ ഉൾപ്പെടുത്താത്തതിന് ക്രിക്കറ്റ് അല്ല മറ്റു കാരണങ്ങൾ ആണെന്ന് ബി സി സി ഐ ഉദ്യോഗസ്ഥനെ ഉദ്ധരിച്ച് കൊണ്ട് PTI റിപ്പോർട്ട് ചെയ്യുന്നു‌. സർഫറാസിന്റെ ഫിറ്റ്‌നസ് ലെവലും, ഓഫ് ഫീൽഡ് പെരുമാറ്റവും ആണ് തീരുമാനത്തെ സ്വാധീനിച്ചത് എന്നാണ് ബി സി സി ഐ ഒഫീഷ്യൽ പറയുന്നത്.

“സർഫറാസിനെ ഒഴിവാക്കിയതിൽ ഉള്ള പ്രതികരണങ്ങൾ മനസ്സിലാക്കാവുന്നതേയുള്ളൂ, പക്ഷേ സർഫറാസ് വീണ്ടും വീണ്ടും അവഗണിക്കപ്പെടുന്നതിന് പിന്നിലെ കാരണം ക്രിക്കറ്റ് മാത്രമല്ലെന്ന് എനിക്ക് ഉറപ്പോടെ പറയാൻ കഴിയും. അദ്ദേഹത്തെ പരിഗണിക്കാത്തതിന് നിരവധി കാരണങ്ങളുണ്ട്,” ബിസിസിഐ ഒഫീഷ്യൽ പറഞ്ഞു.

“തുടർച്ചയായ സീസണുകളിൽ 900-ലധികം റൺസ് നേടിയ ഒരു കളിക്കാരനെ പരിഗണിക്കാത്ത സെലക്ടർമാർ വിഡ്ഢികളാണോ? അന്താരാഷ്ട്ര നിലവാരം പുലർത്താത്ത അദ്ദേഹത്തിന്റെ ശാരീരികക്ഷമതയാണ് ഒരു കാരണം.”

“അയാൾ കഠിനാധ്വാനം ചെയ്യേണ്ടതുണ്ട്, ഒരുപക്ഷേ ശരീരഭാരം കുറയ്ക്കുകയും മെലിഞ്ഞും ഫിറ്ററുമായി തിരിച്ചുവരുകയും ചെയ്യാം, കാരണം ബാറ്റിംഗ് ഫിറ്റ്നസ് മാത്രമല്ല തിരഞ്ഞെടുക്കാനുള്ള ഏക മാനദണ്ഡം,” ബി സി സി ഐ ഒഫീഷ്യൽ കൂട്ടിച്ചേർത്തു.

ബിസിസിഐ ഉദ്യോഗസ്ഥൻ പറയുന്നതനുസരിച്ച്, ഫിറ്റ്നസ് മാത്രമല്ല അദ്ദേഹത്തെ തിരഞ്ഞെടുക്കാത്തതിന് കാരണം. “ഫീൽഡിലും പുറത്തും അദ്ദേഹത്തിന്റെ പെരുമാറ്റം നല്ലതല്ല. ചില കാര്യങ്ങൾ പറഞ്ഞു, ചില ആംഗ്യങ്ങൾ, ചില സംഭവങ്ങൾ ശ്രദ്ധിക്കപ്പെട്ടു. കുറച്ചുകൂടി അച്ചടക്കത്തോടെയുള്ള സമീപനം അവനു നല്ല ഒരു ലോകം മാത്രമേ നൽകൂ.സർഫറാസും ഒപ്പം അദ്ദേഹത്തിന്റെ പിതാവും പരിശീലകനുമായ നൗഷാദ് ഖാനുൻ ആ കാര്യങ്ങളിൽ പ്രവർത്തിക്കണം,” മുതിർന്ന ഉദ്യോഗസ്ഥൻ കൂട്ടിച്ചേർത്തു.

കഴിഞ്ഞ മൂന്ന് രഞ്ജി സീസണുകളിലായി 2566 റൺസാണ് മുംബൈ താരം നേടിയത്. 2019/20 സീസണിൽ 928 റൺസും 2022-23ൽ 982 റൺസും 2022-23 സീസണിൽ 656 റൺസും നേടി.