മുംബൈ ഇന്ത്യൻസ് മുഖ്യ പരിശീലകൻ മഹേല ജയവർധനെ, സ്റ്റാർ ഓപ്പണർ രോഹിത് ശർമ്മ ഈ വർഷം ആദ്യം ഇന്ത്യയുടെ ചാമ്പ്യൻസ് ട്രോഫി വിജയത്തിനു ശേഷം ഒരു ചെറിയ പരുക്കുമായാണ് കളിക്കുന്നത് എന്ന് സ്ഥിരീകരിച്ചു. ഈ പരിക്ക് കാരണമാണ് രോഹിത്തിന്റെ ഫീൽഡിലെ പങ്കാളിത്തം പരിമിതപ്പെടുത്തിയിരിക്കുന്നത് എന്ന് കോച്ച് പറഞ്ഞു.

ഐപിഎൽ 2025 ൽ മുംബൈ ഇന്ത്യൻസ് രോഹിത്തിനെ ഒരു ഇംപാക്ട് പ്ലെയറായാണ് ഉപയോഗിക്കുന്നത്. ലഖ്‌നൗ സൂപ്പർ ജയന്റ്സിനെതിരായ മത്സരത്തിൽ കാൽമുട്ടിന് പന്ത് കൊണ്ടതിനെ തുടർന്ന് ഒരു കളി നഷ്ടമായ രോഹിത്, മുംബൈയുടെ ബാറ്റിംഗ് ഇന്നിംഗ്സിലോ ഫീൽഡിംഗ് അവസാനത്തോടടുത്തോ ആണ് കളത്തിൽ ഇറങ്ങാറുള്ളത്.

“ചാമ്പ്യൻസ് ട്രോഫി മുതൽ രോഹിത്തിന് ഒരു ചെറിയ ഫിറ്റ്നസ് പ്രശ്നമുണ്ട്, അതിനാൽ ഞങ്ങൾ അവനെ കൂടുതൽ ബുദ്ധിമുട്ടിക്കാൻ ആഗ്രഹിക്കുന്നില്ല,” ജയവർധനെ പറഞ്ഞു. “അവന്റെ ബാറ്റിംഗ് ഞങ്ങൾക്ക് നിർണായകമാണ്.” – അദ്ദേഹം കൂട്ടിച്ചേർത്തു

രോഹിത് ശർമ്മ ഐപിഎൽ ചരിത്രത്തിൽ പുതിയൊരേട് എഴുതിച്ചേർത്തു. ഒരു ഫ്രാഞ്ചൈസിക്കായി 6,000 ലധികം റൺസ് നേടുന്ന രണ്ടാമത്തെ താരം എന്ന നേട്ടം അദ്ദേഹം സ്വന്തമാക്കി. സവായ് മാൻസിംഗ് സ്റ്റേഡിയത്തിൽ രാജസ്ഥാൻ റോയൽസിനെതിരെ നടന്ന മത്സരത്തിൽ 36 പന്തിൽ 53 റൺസ് നേടിയാണ് മുംബൈ ഇന്ത്യൻസ് ഓപ്പണർ ഈ നാഴികക്കല്ല് പിന്നിട്ടത്.

ഈ നേട്ടത്തോടെ രോഹിത്, റോയൽ ചാലഞ്ചേഴ്‌സ് ബാംഗ്ലൂരിനായി 6000ത്തിലധികം റൺസ് (8,447 റൺസ്) നേടിയ വിരാട് കോഹ്‌ലിക്കൊപ്പം ചേർന്നു. ലീഗ് ചരിത്രത്തിൽ ഒരു ടീമിനായി ഏറ്റവും കൂടുതൽ റൺസ് നേടിയ താരം കോഹ്‌ലിയാണ്. രോഹിത് ഇപ്പോൾ മുംബൈ ഇന്ത്യൻസിനായി 231 മത്സരങ്ങളിൽ നിന്ന് 6,024 റൺസ് നേടിയിട്ടുണ്ട്. ഇതിൽ ചാമ്പ്യൻസ് ലീഗ് ട്വന്റി 20 യിലെ റൺസുകളും ഉൾപ്പെടുന്നു.

അഞ്ച് തവണ ചാമ്പ്യൻമാരായ മുംബൈ ഇന്ത്യൻസിൻ്റെ പ്രധാന താരമാണ് രോഹിത്.
37 കാരനായ രോഹിത് മുംബൈക്ക് നിർണായക സമയത്താണ് ഫോമിലേക്ക് തിരിച്ചെത്തിയിരിക്കുന്നത്. 2025 സീസണിൽ ആദ്യ ആറ് മത്സരങ്ങളിൽ 30 റൺസ് പോലും നേടാൻ കഴിയാതിരുന്ന താരം, അവസാന നാല്

ഒരു ഐപിഎൽ ഫ്രാഞ്ചൈസിക്കായി ഏറ്റവും കൂടുതൽ റൺസ് നേടിയ താരങ്ങൾ:
വിരാട് കോഹ്‌ലി – 262 മത്സരങ്ങളിൽ നിന്ന് 8,447 റൺസ് (ആർസിബി)
രോഹിത് ശർമ്മ – 231 മത്സരങ്ങളിൽ നിന്ന് 6,024 റൺസ് (എംഐ)
സുരേഷ് റെയ്‌ന – 200 മത്സരങ്ങളിൽ നിന്ന് 5,529 റൺസ് (സിഎസ്കെ)
എംഎസ് ധോണി – 268 മത്സരങ്ങളിൽ നിന്ന് 5,269 റൺസ് (സിഎസ്കെ)

ന്യൂഡൽഹി: ടി20 ക്രിക്കറ്റിൽ 12,000-ൽ അധികം റൺസ് നേടുന്ന എട്ടാമത്തെ താരം എന്ന നേട്ടം രോഹിത് ശർമ്മ സ്വന്തമാക്കി. ഏപ്രിൽ 23-ന് സൺറൈസേഴ്സ് ഹൈദരാബാദിനെതിരെ നടന്ന മത്സരത്തിൽ 46 പന്തിൽ 70 റൺസ് നേടിയ അദ്ദേഹത്തിൻ്റെ ഇന്നിംഗ്സ് മുംബൈ ഇന്ത്യൻസിന് ഏഴ് വിക്കറ്റിൻ്റെ തകർപ്പൻ വിജയം സമ്മാനിച്ചു. ഈ പ്രകടനത്തോടെ വിരാട് കോഹ്ലിക്കൊപ്പം എലൈറ്റ് ലിസ്റ്റിലും രോഹിത് ഇടംപിടിച്ചു.

തൻ്റെ 456-ാം ടി20 മത്സരത്തിലാണ് രോഹിത് ഈ നാഴികക്കല്ല് പിന്നിട്ടത്. 12 റൺസിലെത്തിയപ്പോഴാണ് അദ്ദേഹം 12,000 റൺസ് ക്ലബ്ബിൽ എത്തിയത്. ഇതോടെ അദ്ദേഹത്തിൻ്റെ ടി20 കരിയറിലെ റൺസ് നേട്ടം 12,058 ആയി ഉയർന്നു. ക്രിസ് ഗെയ്‌ലാണ് 14,562 റൺസുമായി ഈ പട്ടികയിൽ ഒന്നാമത്. അലക്സ് ഹെയ്ൽസ്, ഷൊയ്ബ് മാലിക്, കീറോൺ പൊള്ളാർഡ്, വിരാട് കോഹ്ലി എന്നിവരാണ് തൊട്ടുപിന്നിൽ.

മറ്റൊരു സുപ്രധാന റെക്കോർഡിൽ, രോഹിത് ഈ മത്സരത്തിൽ മൂന്ന് സിക്സറുകൾ പറത്തി, മുംബൈ ഇന്ത്യൻസിനുവേണ്ടി ഏറ്റവും കൂടുതൽ സിക്സറുകൾ നേടിയ താരമെന്ന റെക്കോർഡ് സ്വന്തമാക്കി. 260 സിക്സറുകളോടെ അദ്ദേഹം ദീർഘകാല സഹതാരമായ കീറോൺ പൊള്ളാർഡിൻ്റെ (258 സിക്സറുകൾ) റെക്കോർഡാണ് മറികടന്നത്. സൂര്യകുമാർ യാദവ് (127), ഹാർദിക് പാണ്ഡ്യ (115), ഇഷാൻ കിഷൻ (106) എന്നിവരാണ് ഈ പട്ടികയിൽ രോഹിതിന് പിന്നിലുള്ള മറ്റ് പ്രധാന താരങ്ങൾ.

മുംബൈ: മുൻ ക്യാപ്റ്റൻ രോഹിത് ശർമ്മയുടെ ഫോമിനെക്കുറിച്ചുള്ള ആശങ്കകൾക്ക് മറുപടി നൽകി മുംബൈ ഇന്ത്യൻസ് ക്യാപ്റ്റൻ ഹാർദിക് പാണ്ഡ്യ. രോഹിത് പുറത്താകാതെ നേടിയ 76 റൺസിന്റെ മികവിൽ ഐപിഎൽ 2025ൽ ചെന്നൈ സൂപ്പർ കിംഗ്സിനെ ഒമ്പത് വിക്കറ്റിന് തകർത്തതിന് പിന്നാലെയാണ് ഹാർദിക് രോഹിതിനെ പ്രശംസിച്ചത്.

“നിങ്ങൾ രോഹിത്തിന്റെ ഫോമിനെക്കുറിച്ച് വിഷമിക്കേണ്ടതില്ല. അവൻ ഇങ്ങനെയൊക്കെ തിരിച്ചുവരും. അവൻ ഫോമിലാകുമ്പോൾ എതിരാളികൾ കളിയിലേ ഉണ്ടാകില്ല എന്ന് ഞങ്ങൾക്ക് അറിയാമായിരുന്നു.” ഹാർദിക് പറഞ്ഞു.

വെറും 15.4 ഓവറിൽ ഇന്നലെ മുംബൈ ലക്ഷ്യം മറികടന്നിരുന്നു. “എല്ലാവരും ഉത്തരവാദിത്വം ഏറ്റെടുത്ത് മുന്നോട്ട് വരുന്നുണ്ട്. ഞങ്ങൾ അടിസ്ഥാന കാര്യങ്ങളിൽ ശ്രദ്ധ കേന്ദ്രീകരിക്കുന്നു. ഞങ്ങൾ മാന്ത്രികമായ കാര്യങ്ങൾ ചെയ്യാൻ ശ്രമിക്കുന്നില്ല, ലളിതമായ ക്രിക്കറ്റിൽ ഉറച്ചുനിൽക്കുന്നു,” അദ്ദേഹം കൂട്ടിച്ചേർത്തു.

“പേസർമാർ റൺസ് വഴങ്ങിയെങ്കിലും 175 കുറഞ്ഞ സ്കോറാണെന്ന് ഞങ്ങൾക്ക് അറിയാമായിരുന്നു.” ഹാർദിക് പറഞ്ഞു.