ചെന്നൈ സൂപ്പർ കിംഗ്സിനെതിരെ 9 വിക്കറ്റിന്റെ തകർപ്പൻ വിജയത്തിലേക്ക് മുംബൈയെ നയിച്ച രോഹിത് ശർമ്മ താൻ തന്റെ കഴിവിനെ സംശയിച്ചിരുന്നില്ല എന്ന് പറഞ്ഞു. 45 പന്തിൽ 76 റൺസുമായി പുറത്താകാതെ നിന്ന രോഹിത്, തന്റെ തിരിച്ചുവരവിന് കാരണം സാങ്കേതികതയിലെ ചെറിയ മാറ്റങ്ങളും ശക്തമായ മാനസികാവസ്ഥയുമാണെന്ന് വെളിപ്പെടുത്തി.
“നിങ്ങൾ ചെയ്യുന്ന കഠിനാധ്വാനത്തിൽ വിശ്വാസമുണ്ടായിരിക്കണം. അതാണ് എന്നെ സഹായിച്ചത്.” മാറ്റങ്ങൾ ലളിതവും എന്നാൽ ഫലപ്രദവുമായിരുന്നു. “ഞാൻ അമിതമായി അടിക്കാൻ ശ്രമിക്കുന്നത് നിർത്തി, പന്ത് എന്റെ പരിധിയിലാണെങ്കിൽ, ഞാൻ അതിനെ പിന്തുടരും എന്ന് തീരുമാനിച്ചു. ചിന്തകളുടെ വ്യക്തതയാണ് പ്രധാനം.” രോഹിത് പറഞ്ഞു.
ഇടംകൈയ്യൻ പേസർമാർക്കെതിരെ ഐപിഎൽ 2025ൽ രോഹിത് ശർമ്മയുടെ മോശം പ്രകടനങ്ങൾ തുടരുമ്പോഴും മുംബൈ ഇന്ത്യൻസ് മുഖ്യ പരിശീലകൻ മഹേള ജയവർധനെ താരത്തിന് പിന്തുണ നൽകി. ഏപ്രിൽ 7ന് വാംഖഡെ സ്റ്റേഡിയത്തിൽ നടന്ന റോയൽ ചലഞ്ചേഴ്സ് ബാംഗ്ലൂരിനെതിരായ മത്സരത്തിൽ മുംബൈ 12 റൺസിന് തോറ്റപ്പോൾ രോഹിത് 9 പന്തിൽ 17 റൺസെടുത്ത് യാഷ് ദയാലിന്റെ പന്തിൽ ബൗൾഡ് ആയി പുറത്തായി. ഈ സീസണിൽ നാല് മത്സരങ്ങളിൽ നിന്ന് 38 റൺസ് മാത്രമാണ് പരിചയസമ്പന്നനായ ബാറ്റർക്ക് നേടാനായത്.
എന്നാൽ, തുടർച്ചയായ പുറത്താകലുകളെക്കുറിച്ചുള്ള ആശങ്കകളെ ജയവർധനെ ലഘൂകരിച്ചു. ഇടംകൈയ്യൻ ബൗളർമാരുടെ ആംഗിൾ മിക്ക വലങ്കയ്യൻ ഓപ്പണർമാർക്കും സ്വാഭാവികമായ വെല്ലുവിളിയാണ് എന്ന് അദ്ദേഹം പറഞ്ഞു. “അത് സ്വാഭാവികമായ ഒരു കാര്യമാണ് – ആ ആംഗിൾ മിക്ക വലങ്കയ്യൻ ഓപ്പണർമാർക്കും പ്രശ്നങ്ങൾ സൃഷ്ടിക്കുന്നു. പക്ഷേ രോഹിത് വളരെ പരിചയസമ്പന്നനായ കളിക്കാരനാണ്. അവൻ കഠിനമായി പരിശീലിക്കുന്നുണ്ട്, അവൻ അത് മറികടക്കാനുഅശ്രമത്തിലാണെന്ന് എനിക്ക് ഉറപ്പുണ്ട്,” ജയവർധനെ പറഞ്ഞു.
രോഹിതിന്റെ പ്രതിരോധം ഭേദിച്ച് യാഷ് ദയാൽ മികച്ച ഒരു ഇൻ-സ്വിംഗർ എറിഞ്ഞതിനെയും പരിശീലകൻ പ്രശംസിച്ചു. “യാഷ് നല്ലൊരു പന്താണ് എറിഞ്ഞത്. അത് ലേറ്റ് സ്വിംഗ് ആയിരുന്നു, ഫുള്ളർ ലെങ്തിൽ, അത് രോഹിതിന്റെ പ്രതിരോധം മറികടന്നു. ചിലപ്പോൾ ബൗളർക്കും ക്രെഡിറ്റ് നൽകണം,” അദ്ദേഹം കൂട്ടിച്ചേർത്തു.
2024 ഐപിഎൽ സീസൺ മുതൽ, രോഹിത് 17 ഇന്നിംഗ്സുകളിൽ നിന്ന് ഏഴ് തവണ ഇടംകൈയ്യൻ പേസർമാർക്ക് മുന്നിൽ പുറത്തായിട്ടുണ്ട് – ഐപിഎൽ 2025ൽ ഇതിനോടകം രണ്ട് തവണ, അതിലൊന്ന് സിഎസ്കെക്കെതിരെ ഖലീൽ അഹമ്മദിന്റെ പന്തിലായിരുന്നു. ഈ സീസണിൽ കളിച്ച അഞ്ച് മത്സരങ്ങളിൽ ഒരെണ്ണം മാത്രമാണ് മുംബൈക്ക് ജയിക്കാനായത്.
രോഹിത് ശർമ്മ തന്റെ ഫോം വീണ്ടെടുക്കണമെന്ന് കീറോൺ പൊള്ളാർഡ്. ഈ ഐ പി എല്ലിൽ മൂന്ന് ഇന്നിംഗ്സുകളിൽ നിന്ന് 21 റൺസ് മാത്രമേ ഇന്ത്യൻ നായകന് നേടാനായുള്ളൂ.
“അണ്ടർ 19 ക്രിക്കറ്റ് മുതൽ ഞാൻ രോഹിത്തിനൊപ്പം കളിച്ചിട്ടുണ്ട്, വ്യത്യസ്ത സാഹചര്യങ്ങളിൽ, വ്യത്യസ്ത ഫോർമാറ്റുകളിൽ, അദ്ദേഹം തന്റെ പേര് കെട്ടിച്ചമച്ച് ചരിത്രത്തിൽ തന്റെ പേര് എഴുതി ചേർത്തിട്ടുണ്ട്,” പൊള്ളാർഡ് പറഞ്ഞു. “അദ്ദേഹം സ്വന്തം നിലയിൽ കളിയിലെ ഒരു ഇതിഹാസമാണ്, ഒരു വ്യക്തി എന്ന നിലയിലും മികച്ച ആളാണ്.” – പൊള്ളാർഡ് പറഞ്ഞു.
“ഒരു വ്യക്തി എന്ന നിലയിൽ ക്രിക്കറ്റ് ആസ്വദിക്കാനും സമ്മർദ്ദത്തിന് വഴങ്ങാതിരിക്കാനുമുള്ള അവകാശം അവൻ നേടിയിട്ടുണ്ട്. അതുകൊണ്ട് കുറച്ച് കുറഞ്ഞ സ്കോറുകൾ നോക്കി വിലയിരുത്തരുത്.” – പൊള്ളാർഡ് പറഞ്ഞു
മുംബൈ ഇന്ത്യൻസ് നിരയിൽ രോഹിത് ശർമ്മയുടെ സ്ഥാനത്തെ ചോദ്യം ചെയ്ത് മുൻ ഇംഗ്ലണ്ട് ക്യാപ്റ്റൻ മൈക്കൽ വോൺ. അദ്ദേഹത്തിന്റെ പേര് ഇല്ലായിരുന്നെങ്കിൽ അദ്ദേഹം നേരത്തെ ടീമിൽ നിന്ന് പുറത്താകുമായിരുന്നു എന്ന് വോൺ പറഞ്ഞു.
“നിങ്ങളുടെ പേര് രോഹിത് ശർമ്മ എന്ന് അല്ലെങ്കിൽ അല്ലെങ്കിൽ, ഈ നമ്പറുകൾ നോക്കിയാൽ നിങ്ങൾക്ക് ടീമിൽ സ്ഥാനം നഷ്ടപ്പെടാൻ സാധ്യതയുണ്ട്. രോഹിത് ശർമ്മയെപ്പോലുള്ള ഒരു കളിക്കാരന് ഈ സ്കോറുകൾ പര്യാപ്തമല്ല,” വോൺ ക്രിക്ക്ബസിൽ പറഞ്ഞു.
കൊൽക്കത്ത നൈറ്റ് റൈഡേഴ്സിനെതിരായ മുംബൈയുടെ മത്സരത്തിലും രോഹിത് പതറി. വെറും 13 റൺസിന് പുറത്തായി. ലീഗിൽ മൂന്ന് മത്സരങ്ങൾ കഴിഞ്ഞപ്പോ ആകെ 21 റൺസ് മാത്രമേ രോഹിതിന് നേടാൻ ആയിട്ടുള്ളൂ.
“ഇപ്പോൾ രോഹിത് വെറുമൊരു ബാറ്റ്സ്മാൻ മാത്രമായിരിക്കുമ്പോൾ, റൺസ് നോക്കിയിട്ടാണ് രോഹിതിനെ വിലയിരുത്തേണ്ടത്, കാരണം അദ്ദേഹം ക്യാപ്റ്റനല്ല. അദ്ദേഹത്തിന് റൺസ് ആവശ്യമാണ്,” വോൺ കൂട്ടിച്ചേർത്തു,
ഇംഗ്ലണ്ടിനെതിരായ ഇന്ത്യയുടെ വരാനിരിക്കുന്ന ടെസ്റ്റ് പരമ്പരയിൽ നിന്ന് രോഹിത് ശർമ്മ പിന്മാറുമെന്ന് റിപ്പോർട്ട്. അടുത്തിടെ നടന്ന ബോർഡർ-ഗവാസ്കർ ട്രോഫിയിൽ മൂന്ന് മത്സരങ്ങളിൽ നിന്ന് 31 റൺസ് മാത്രം നേടിയ ഇന്ത്യൻ ക്യാപ്റ്റൻ ഒരു ബ്രേക്ക് എടുക്കാൻ ആഗ്രഹിക്കുന്നുണ്ട്. എന്നാൽ രോഹിത് വിരമിക്കാൻ ഉദ്ദേശിക്കുന്നില്ല.
ഇംഗ്ലണ്ടിൽ ഇന്ത്യയുടെ അഞ്ച് മത്സര ടെസ്റ്റ് പരമ്പര ജൂൺ 20 ന് ഹെഡിംഗ്ലിയിൽ ആരംഭിക്കും, എഡ്ജ്ബാസ്റ്റൺ, ലോർഡ്സ്, ഓൾഡ് ട്രാഫോർഡ്, ദി ഓവൽ എന്നിവിടങ്ങളിലും മത്സരങ്ങൾ നടക്കും.
മുംബൈ ഇന്ത്യൻസ് ഓപ്പണർ രോഹിത് ശർമ്മ ഐപിഎൽ ചരിത്രത്തിൽ തന്റെ 18-ാമത്തെ ഡക്ക് ഇന്ന് രേഖപ്പെടുത്തി. ടൂർണമെന്റിൽ ഏറ്റവും കൂടുതൽ ഡക്കുകളിൽ ഗ്ലെൻ മാക്സ്വെല്ലിന്റെയും ദിനേശ് കാർത്തിക്കിന്റെയും ഒപ്പം ഇതോടെ രോഹിത് എത്തി. ഐപിഎൽ 2025 ലെ തന്റെ ആദ്യ മത്സരത്തിൽ ചെന്നൈ സൂപ്പർ കിംഗ്സിനെതിരെ (സിഎസ്കെ) നേരിടുമ്പോൾ, ഖലീൽ അഹമ്മദിന്റെ പന്തിലാണ് രോഹിത് പുറത്തായത്. നാല് പന്തിൽ ആയിരുന്നു ഡക്കായത്.
ഒൻപത് മാസത്തിന് ശേഷം ടി20 ക്രിക്കറ്റിലേക്ക് മടങ്ങിയെത്തിയ രോഹിത്, ഒരു ഫ്ലിക്ക് ഷോട്ടിന് ശ്രമിക്കവെ, മിഡ്-വിക്കറ്റിൽ ശിവം ദുബെയുടെ കയ്യിൽ കുടുങ്ങുക ആയിരുന്നു.
ഇന്ത്യയുടെ ടെസ്റ്റ് പ്രകടനം മെച്ചപ്പെടുത്തുന്നതിൻ്റെ ഉത്തരവാദിത്തം രോഹിത് ശർമ്മ ഏറ്റെടുക്കണമെന്ന് മുൻ ഇന്ത്യൻ ക്യാപ്റ്റൻ സൗരവ് ഗാംഗുലി. 2025 ലെ ലോക ടെസ്റ്റ് ചാമ്പ്യൻഷിപ്പ് (WTC) ഫൈനലിലേക്ക് യോഗ്യത നേടുന്നതിൽ പരാജയപ്പെട്ട ഇന്ത്യ അടുത്തിടെ ന്യൂസിലാൻഡിനും ഓസ്ട്രേലിയയ്ക്കുമെതിരെ തുടർച്ചയായി ടെസ്റ്റ് പരമ്പര പരാജയങ്ങൾ ഏറ്റുവാങ്ങിയിരുന്നു.
2024 നവംബറിൽ ന്യൂസിലൻഡിനെതിരെ ഹോം ഗ്രൗണ്ടിൽ ഇന്ത്യ ചരിത്രപരമായ 0-3 വൈറ്റ്വാഷിനെ നേരിട്ടു, തുടർന്ന് ഓസ്ട്രേലിയയിൽ 1-3 ന് ബോർഡർ ഗവാസ്കർ ട്രോഫി പരമ്പര തോൽക്കുകയും ചെയ്തു.
കഴിഞ്ഞ കുറച്ച് വർഷങ്ങളായി രോഹിതിൻ്റെ റെഡ് ബോൾ ഫോമിൽ ഗാംഗുലി ആശങ്ക പ്രകടിപ്പിച്ചു, അദ്ദേഹത്തിൻ്റെ നിലവാരമുള്ള ഒരു കളിക്കാരൻ ടെസ്റ്റിൽ മികച്ച പ്രകടനം കാഴ്ചവെക്കണമെന്ന് പ്രസ്താവിച്ചു. ജൂൺ 20 മുതൽ ഇംഗ്ലണ്ടിനെതിരായ വരാനിരിക്കുന്ന അഞ്ച് മത്സര ടെസ്റ്റ് പരമ്പരയുടെ പ്രാധാന്യം അദ്ദേഹം ഊന്നിപ്പറഞ്ഞു.
“വൈറ്റ്-ബോൾ ക്രിക്കറ്റിൽ അദ്ദേഹം ടീമിനെ കൂടുതൽ ഉയരങ്ങളിലെത്തിച്ചതിൽ എനിക്ക് അത്ഭുതമില്ല. പക്ഷേ, ടെസ്റ്റ് കളിക്കുന്നത് തുടരുകയാണെങ്കിൽ, കാര്യങ്ങൾ മാറ്റിമറിക്കാനുള്ള ഉത്തരവാദിത്തം അദ്ദേഹം ഏറ്റെടുക്കണം. ഇന്ത്യ ഇപ്പോൾ റെഡ്-ബോൾ ക്രിക്കറ്റിൽ നല്ല ടീമല്ല, ഇംഗ്ലണ്ടിൽ നന്നായി കളിക്കാൻ അവർക്ക് ഒരു വഴി കണ്ടെത്തേണ്ടതുണ്ട്,” റെവ്സ്പോർട്സ് ആതിഥേയത്വം വഹിച്ച ട്രെയിൽബ്ലേസേഴ്സ് 3.0-ൽ ഗാംഗുലി പറഞ്ഞു.
2007 ന് ശേഷം ഇന്ത്യ ഇംഗ്ലണ്ടിൽ ഒരു ടെസ്റ്റ് പരമ്പര വിജയിച്ചിട്ടില്ല, .
ഇന്ത്യയുടെ ചാമ്പ്യൻസ് ട്രോഫി വിജയത്തിന് പിന്നാലെ രോഹിത് ശർമ്മയിൽ വിശ്വാസം അർപ്പിച്ച് ബി സി സി ഐ. ജൂൺ 20 ന് ഹെഡിംഗ്ലിയിൽ ആരംഭിക്കുന്ന ഇംഗ്ലണ്ടിനെതിരായ അഞ്ച് മത്സരങ്ങളുടെ പരമ്പരയ്ക്കുള്ള ടെസ്റ്റ് ക്യാപ്റ്റനായി രോഹിത് ശർമ്മ തുടരുമെന്ന് ദേശീയ മാധ്യമങ്ങൾ റിപ്പോർട്ട് ചെയ്യുന്നു.
ന്യൂസിലൻഡിന് എതിരായ ടെസ്റ്റ് പരമ്പരയും ഓസ്ട്രേലിയക്ക് എതിരായ ടെസ്റ്റ് പരമ്പരയും നഷ്ടപ്പെട്ടതോടെ രോഹിതിന്റെ ക്യപ്റ്റൻസി ഒരുപാട് വിമർശനങ്ങൾ നേരിട്ടിരുന്നു. എന്നാൽ ചാമ്പ്യൻസ് ട്രോഫി ജയിച്ചതോടെ ബി സി സി ഐ രോഹിതിന് പൂർണ്ണ പിന്തുണ നൽകാൻ തന്നെ തീരുമാനിച്ചു.
36 കാരനായ രോഹിത് റെഡ്-ബോൾ ക്രിക്കറ്റിൽ തുടരാനുള്ള ആഗ്രഹം പ്രകടിപ്പിച്ചിരുന്നു.
ഏകദിന ക്രിക്കറ്റിൽ നിന്ന് വിരമിക്കുന്നതിനെക്കുറിച്ച് രോഹിത് ശർമ്മ ചിന്തിക്കരുതെന്ന് ദക്ഷിണാഫ്രിക്കയുടെയും റോയൽ ചലഞ്ചേഴ്സിന്റെയും ഇതിഹാസം എബി ഡിവില്ലിയേഴ്സ്.
“മറ്റ് ക്യാപ്റ്റന്മാരുമായി താരതമ്യപ്പെടുത്തുമ്പോൾ, രോഹിത്തിന്റെ വിജയ ശതമാനം നോക്കൂ, ഇത് ഏകദേശം 74% ആണ്, ഇത് മുൻകാലങ്ങളിലെ മറ്റേതൊരു ക്യാപ്റ്റനെക്കാളും വളരെ കൂടുതലാണ് ഇത്. അദ്ദേഹം തുടർന്നാൽ, എക്കാലത്തെയും മികച്ച ഏകദിന ക്യാപ്റ്റന്മാരിൽ ഒരാളായി അദ്ദേഹം മാറും. താൻ വിരമിക്കുന്നില്ലെന്നും അഭ്യൂഹങ്ങൾ പ്രചരിപ്പിക്കുന്നത് നിർത്തണമെന്നും രോഹിത് അഭ്യർത്ഥിച്ചിട്ടുണ്ട്.” ഡിവില്ലിയേഴ്സ് പറഞ്ഞു.
നേതൃത്വത്തിനപ്പുറം, രോഹിതിന്റെ ബാറ്റിംഗിനെയും, പ്രത്യേകിച്ച് ഇന്നിംഗ്സിന്റെ തുടക്കത്തിൽ അദ്ദേഹം നടത്തുന്ന ആക്രമണാത്മക സമീപനത്തെയും ഡിവില്ലിയേഴ്സ് പ്രശംസിച്ചു. ഇന്ത്യയുടെ വിജയത്തിന് അടിത്തറ പാകിയ ചാമ്പ്യൻസ് ട്രോഫി ഫൈനലിൽ രോഹിത്തിന്റെ നിർണായകമായ 76 റൺസ് നേടിയ പ്രകടനത്തെ അദ്ദേഹം ചൂണ്ടിക്കാട്ടി.
“അദ്ദേഹം തന്റെ കളിയിൽ ഒരു പരിധിവരെ മാറ്റം വരുത്തിയിട്ടുണ്ട്. പവർപ്ലേയിലെ അദ്ദേഹത്തിന്റെ സ്ട്രൈക്ക് റേറ്റ് പരിശോധിച്ചാൽ മനസ്സിലാകും. 2022 മുതൽ, ആദ്യ പവർപ്ലേയിൽ അദ്ദേഹത്തിന്റെ സ്ട്രൈക്ക് റേറ്റ് 115 ആയി ഉയർന്നു, അതാണ് വ്യത്യാസം.” എ ബി ഡി പറഞ്ഞു.
ഇന്ത്യയുടെ ചാമ്പ്യൻസ് ട്രോഫി വിജയത്തിന് പിന്നാലെ ഐസിസിയുടെ ഏറ്റവും പുതിയ ഏകദിന റാങ്കിംഗിൽ ക്യാപ്റ്റൻ രോഹിത് ശർമ്മക്ക് മുന്നേറ്റം. ഫൈനലിൽ ന്യൂസിലൻഡിനെതിരെ നേടിയ 76 റൺസ് രോഹിത് ശർമ്മയെ മൂന്നാം സ്ഥാനത്തേക്ക് ഉയർത്തി.
784 പോയിൻ്റുമായി ശുഭ്മാൻ ഗിൽ ഒന്നാം സ്ഥാനത്തും 770 പോയിൻ്റുമായി പാക്കിസ്ഥാൻ്റെ ബാബർ അസം രണ്ടാം സ്ഥാനത്തും തുടരുന്നു. വിരാട് കോലി 736 പോയിൻ്റുമായി അഞ്ചാം സ്ഥാനത്തേക്ക് പിന്തള്ളപ്പെട്ടപ്പോൾ 704 പോയിൻ്റുമായി ശ്രേയസ് അയ്യർ എട്ടാം സ്ഥാനം നിലനിർത്തി.
ബൗളിംഗ് റാങ്കിംഗിൽ 680 പോയിൻ്റുമായി ശ്രീലങ്കയുടെ മഹേഷ് തീക്ഷണ ഒന്നാം സ്ഥാനത്തും ന്യൂസിലൻഡിൻ്റെ മിച്ചൽ സാൻ്റ്നർ 657 പോയിൻ്റുമായി രണ്ടാം സ്ഥാനത്തേക്കും ഉയർന്നു. ടൂർണമെൻ്റിൽ ഏഴ് വിക്കറ്റ് വീഴ്ത്തിയ ഇന്ത്യയുടെ കുൽദീപ് യാദവ് 650 പോയിൻ്റുമായി മൂന്നാം സ്ഥാനത്തേക്ക് ഉയർന്നു. രവീന്ദ്ര ജഡേജയും 616 പോയിൻ്റുമായി 10-ാം സ്ഥാനത്തു തിരിച്ചെത്തി.
ചാമ്പ്യൻസ് ട്രോഫി കിരീടത്തിലേക്ക് ഇന്ത്യൻ ടീമിനെ നയിച്ച ക്യാപ്റ്റൻ രോഹിത് ശർമ്മ ഇന്ത്യൻ ടീമിനെ ശുഭകരമായ ഭാവി ആണ് മുന്നിൽ ഉള്ളത് എന്ന് വിശ്വസിക്കുന്നു. കഴിഞ്ഞ കുറച്ച് വർഷങ്ങളായി ഇന്ത്യയുടെ ബെഞ്ച് സ്ട്രെങ്ത് ശക്തമായിട്ടുണ്ട് എന്ന് രോഹിത് പറഞ്ഞു.
“നിങ്ങൾ കളിക്കുമ്പോൾ നിങ്ങളുടെ ബെഞ്ച് സ്ട്രെങ്ത് നന്നാക്കാൻ നിങ്ങൾ ആഗ്രഹിക്കുന്നു. കഴിഞ്ഞ നാലോ അഞ്ചോ വർഷമായി ഞങ്ങൾക്ക് അവസരം ലഭിച്ചപ്പോഴെല്ലാം, ബെഞ്ചിൽ ഇരിക്കുന്ന കളിക്കാർക്കെല്ലാം അവസരം നൽകാൻ ഞങ്ങൾ ശ്രമിച്ചു. അവർ ആ അവസരങ്ങൾ നന്നായി ഉപയോഗിക്കുകയും ചെയ്തു.” രോഹിത് പറഞ്ഞു.
“ഇന്ത്യൻ ക്രിക്കറ്റിന്റെ ഭാവി വളരെ സുരക്ഷിതമായ കരങ്ങളിലാണെന്ന് എനിക്ക് ഉറപ്പായും പറയാൻ കഴിയും.” രോഹിത് പറഞ്ഞു
സ്വന്തം ഭാവിയെക്കുറിച്ചും, 2027 ലോകകപ്പിൽ കളിക്കുന്നതിനെക്കുറിച്ചും രോഹിത് തുറന്ന് പറഞ്ഞു, തൻ്റെ ഫോമും ഫിറ്റ്നസും വിലയിരുത്തി ആകും തീരുമാനം എന്ന് അദ്ദേഹം പറഞ്ഞു.
“ഇപ്പോൾ, ഞാൻ ശരിക്കും നന്നായി കളിക്കുന്നു, ഈ ടീമിനൊപ്പം ഞാൻ ചെയ്യുന്നതെല്ലാം ഞാൻ ആസ്വദിക്കുന്നു. പക്ഷേ എനിക്ക് 2027-നെ കുറിച്ച് പറയാൻ കഴിയില്ല, കാരണം അത് വളരെ ദൂരെയാണ്, അതിനാൽ എൻ്റെ എല്ലാ ഓപ്ഷനുകളും ഞാൻ തുറന്നിടുകയാണ്.” ക്യാപ്റ്റൻ പറഞ്ഞു.
2025-ലെ ചാമ്പ്യൻസ് ട്രോഫിയിൽ ഇന്ത്യയുടെ ജൈത്രയാത്ര ഒരു വിജയം എന്നതിലുപരിയായിരുന്നു- അതൊരു പ്രസ്താവനയായിരുന്നു എന്ന് പറയാം. രോഹിത് ശർമ്മയുടെ നേതൃത്വത്തിലും ഗൗതം ഗംഭീറിൻ്റെ തന്ത്രപരമായ വീക്ഷണത്തിനും കീഴിൽ, ടീം അവരുടെ ഒരോ പിഴവുകളും പരിഹരിച്ച് കിരീടത്തിലേക്ക് നടത്തിയ യാത്ര.
ഗംഭീറിനെ സംബന്ധിച്ചിടത്തോളം ഹെഡ് കോച്ചെന്ന നിലയിൽ കഠിനമായ തുടക്കമായിരുന്നു ലഭിച്ചത്. ഇന്ത്യ ഏകദിനങ്ങളിലും ടെസ്റ്റ് പരമ്പരകളിലും തോൽവി ഏറ്റുവാങ്ങുന്നത് കാണാൻ ഇടയായി. ഇത് വലിയ വിമർശനങ്ങളും ഉയരാൻ കാരണമായി. എന്നാൽ ഈ ടൂർണമെന്റ് ജയിച്ചതിലൂടെ ഈ ജോലിക്ക് അനുയോജ്യൻ താൻ തന്നെയാണെന്ന് ഗംഭീർ തെളിയിച്ചു.
സ്പിൻ പേസിനും മുകളിൽ
ദുബായ് ഇൻ്റർനാഷണൽ ക്രിക്കറ്റ് സ്റ്റേഡിയത്തിലെ (ഡിഐസിഎസ്) മന്ദഗതിയിലുള്ളതും പ്രതലങ്ങൾ തിരിച്ചറിഞ്ഞ്, ഇന്ത്യ ധീരമായ തീരുമാനമെടുത്തു- പൂർണ്ണമായും സ്പിൻ- അറ്റാക്കിനെ വിശ്വസിച്ചുള്ള യാത്ര. മറ്റു ടീമുകൾ രണ്ടിലധികം മുൻനിര സ്പിന്നർമാരെ ഇറക്കാൻ മടിച്ചപ്പോൾ, ഇന്ത്യ ഒരു പടി കൂടി മുന്നോട്ട് പോയി, അവരുടെ ടീമിൽ നാല് സ്പിൻ ഓപ്ഷനുകൾ ഉൾപ്പെടുത്തി. ഈ ധീരമായ തീരുമാനം ഗംഭീരമായി ഫലം കണ്ടു, പ്രത്യേകിച്ച് യശസ്വി ജയ്സ്വാളിന് പകരം വരുൺ ചക്രവർത്തിയെ ടീമിൽ ഉൾപ്പെടുത്താൻ ഉള്ള തീരുമാനം വഴിത്തിരിവായി മാറി.
ടൂർണമെൻ്റിന് മുമ്പ് ഒരു ഏകദിനം മാത്രം കളിച്ച മിസ്റ്ററി സ്പിന്നർ എന്ന് അറിയപ്പെടുന്ന വരുൺ, അവസാന ഗ്രൂപ്പ്-സ്റ്റേജ് ഗെയിമിൽ ന്യൂസിലൻഡിനെതിരെ അഞ്ച് വിക്കറ്റ് നേട്ടം (5/42) നേടി. ഓസ്ട്രേലിയയ്ക്കെതിരായ സെമി ഫൈനലിലും ന്യൂസിലൻഡിനെതിരായ ഫൈനലിലും ഇന്ത്യ നാല് സ്പിന്നർമാരായി ഇറങ്ങി. കുൽദീപ് യാദവ്, രവീന്ദ്ര ജഡേജ, അക്സർ പട്ടേൽ, ചക്രവർത്തി എന്നിവർ ബാറ്റർമാർ വട്ടം കറക്കി.
അക്സർ പട്ടേലിൻ്റെ പ്രമോഷനും രാഹുലിൻ്റെ വിശ്വാസവും
കണക്കുകൂട്ടിയ മറ്റൊരു തീരുമാനം ആയിരുന്നു ബാറ്റിംഗ് ഓർഡറിൻ്റെ പുനഃക്രമീകരണം. അഞ്ചാം നമ്പറിൽ ഇറങ്ങിയിരുന്ന വിക്കറ്റ് കീപ്പർ കെ എൽ രാഹുലിനെ ആറാം സ്ഥാനത്തേക്ക് മാറ്റുകയും അക്സർ പട്ടേലിനെ മുന്നോട്ട് കൊണ്ട് വരികയും ചെയ്തു. ഇത് ഇന്ത്യക്ക് ഒരു ഇടം കയ്യൻ ബാറ്റർ എന്ന ഓപ്ഷനും നൽകി.
ശ്രേയസ് അയ്യർ (ഗ്രൂപ്പ് ഘട്ടത്തിൽ ന്യൂസിലൻഡിനെതിരെ 98 റൺസ്, ഫൈനലിൽ 61 റൺസ്), വിരാട് കോഹ്ലി (സെമിയിൽ 44 റൺസ്) എന്നിവരുമായി പ്രധാന കൂട്ടുകെട്ടുകൾ കെട്ടിപടുക്കാൻ അക്സറിനായത് ഇന്ത്യയെ പല സമ്മർദ്ദ സാഹചര്യങ്ങളും തരണം ചെയ്യാൻ സഹായിച്ചു.
ആറാം നമ്പറിൽ, ബംഗ്ലാദേശ്, ഓസ്ട്രേലിയ, ന്യൂസിലാൻഡ് എന്നിവയ്ക്കെതിരെ കണക്കുകൂട്ടിയ ഇന്നിംഗ്സുകൾ കളിച്ച് ഒരു ഫിനിഷറായി രാഹുൽ വളരുന്നതും കാണാൻ ആയി.
ശൈലി മാറ്റാതെ ആക്രമിച്ച് കളിക്കുന്ന രോഹിതിന്റെ രീതി ടീമിന്റെ സമീപനം നിർണയിക്കുന്നതയി. എല്ലാവരും നിർണായക സംഭാവനകൾ നൽകി ഒരു ടീൻ ജയമായി ഈ ചാമ്പ്യൻസ് ട്രോഫിയെ മാറ്റാൻ ഇന്ത്യക്ക് ആയി.
