Tag: Neymar

നെയ്‌മറിൻ്റെ മിന്നുന്ന പ്രകടനത്തിന്റെ മികവിൽ സാൻ്റോസ് റെഡ് ബുൾ ബ്രാഗാൻ്റിനോയ്‌ക്കെതിരെ ക്വാർട്ടർ ഫൈനലിക് 2-0ന്റെ വിജയം ഉറപ്പിച്ചു. ഇതോടെ അവർ പോളിസ്റ്റ സെമിഫൈനലിൽ അവരുടെ സ്ഥാനം ഉറപ്പിച്ചു. ബ്രസീൽ താരം ഒരു തകർപ്പൻ ഫ്രീകിക്കിലൂടെ ആണ് സാന്റോസിന് ലീഡ് നൽകിയത്. ഷ്മിറ്റ് രണ്ടാം ഗോളിലൂടെ വിജയവും ഉറപ്പിച്ചു.

അൽ ഹിലാലിൽ നിന്ന് നെയ്‌മർ സാൻ്റോസിൽ എത്തിയത് മുതൽ മികച്ച ഫോമിലാണ്. നെയ്മറിന്റെ തിരിച്ചുവരവിന് ശേഷം സാന്റോസ് അപരാജിതരായി തുടരുകയാണ്. 6 സ്റ്റാർട്ടിൽ നിന്ന് 3 ഗോളുകളും 3 അസിസ്റ്റുകളും, 4 മാൻ ഓഫ് ദ മാച്ച് അവാർഡുകളും നെയ്മർ സാന്റോസിൽ സ്വന്തമാക്കി.

പോളിസ്റ്റ ഗ്രൂപ്പ് ഘട്ടത്തിൽ തങ്ങളുടെ ഗ്രൂപ്പിൽ ഒന്നാമതെത്തി സാൻ്റോസ് ഇതിനകം തങ്ങളുടെ കരുത്ത് തെളിയിച്ചിരുന്നു. കൊറിന്ത്യസ്, പാൽമേറാസ് എന്നിവരും സെമിഫൈനലിൽ എത്തി. ഇനി ഒരു ക്വാർട്ടർ പോരാട്ടം കൂടിയാണ് ബാക്കിയുള്ളത്.

പോളിസ്റ്റ എ1-ൽ ഇന്റർനാഷണൽ ഡി ലിമിറയെ 3-0ന് സാന്റോസ് ഇന്ന് പരാജയപ്പെടുത്തിയപ്പോൾ നെയ്മർ മികച്ച പ്രകടനം കാഴ്ചവച്ച് ഹീറോ ആയി. ഒരു കോർണർ കിക്കിൽ നിന്ന് നേരിട്ട് ഒളിമ്പിക് ഗോൾ നേടാൻ നെയ്മറിന് ഇന്ന് ആയി. ഒപ്പം ടിക്വിഞ്ഞോയുടെ രണ്ട് ഗോളുകൾക്ക് അസിസ്റ്റ് നൽകുകയും ചെയ്തു.

ഈ വിജയത്തോടെ, സാന്റോസ് ഇപ്പോൾ അവരുടെ ഗ്രൂപ്പിൽ ഒന്നാമത് തുടരുകയാണ്. അവർ ക്വാർട്ടർ ഫൈനലും ഉറപ്പിച്ചു. സാന്റോസിലേക്ക് മടങ്ങിയതിനുശേഷം ഒരു മാസത്തിനുള്ളിൽ തന്നെ താൻ അൽ-ഹിലാലിൽ കളിച്ച ആകെ മിനിറ്റുകൾ നെയ്മർ മറികടന്നു കഴിഞ്ഞു. നെയ്മർ പൂർണ്ണ ഫിറ്റനസിലേക്ക് എത്തിയതിന്റെ ലക്ഷണങ്ങൾ സാന്റോസിലെ അദ്ദേഹത്തിന്റെ പ്രകടനങ്ങളിൽ കാണാൻ ആകുന്നുണ്ട്.

നെയ്മർ തന്റെ സാന്റോസിലെ രണ്ടാം വരവിലെ ആദ്യ ഗോൾ ഇന്ന് നേടി. ഇന്ന് ലീഗിൽ അഗ്വ സാന്റയ്‌ക്കെതിരെ നടന്ന മത്സരത്തിൽ സാന്റോസ് 3-1ന്റെ വിജയം നേടി. നെയ്മർ വന്ന ശേഷമുള്ള ക്ലബിന്റെ ആദ്യ വിജയവുമാണ് ഇത്. ഇന്ന് 14-ാം മിനിറ്റിൽ പെനാൽറ്റി നേടിയ നെയ്മർ ആ പെനാൽറ്റി ഗോളാക്കി മാറ്റുക ആയിരുന്നു.

26-ാം മിനിറ്റിൽ തസിയാനോ സാന്റോസിന്റെ ലീഡ് ഇരട്ടിയാക്കി. രണ്ടാം പകുതിയിൽ അഗ്വ സാന്റ ഒരു ഗോൾ നേടിയെങ്കിലും 70-ാം മിനിറ്റിൽ ഗിൽഹെർമെ സാന്റോസിന് വിജയം ഉറപ്പിച്ചു. ഈ വിജയത്തോടെ, 10 മത്സരങ്ങളിൽ നിന്ന് 12 പോയിന്റുമായി സാന്റോസ് ഇപ്പോൾ ഗ്രൂപ്പിൽ ഒന്നാമതാണ്.

ബ്രസീലിയൻ താരം നെയ്മർ ഇന്ന് സാന്റോസിലെ തൻറെ രണ്ടാം അരങ്ങേറ്റം നടത്തി. ഇന്ന് ബ്രസീലിൽ ക്യാമ്പനാട്ടോ പോളിസ്റ്റയിൽ നടന്ന സാന്റോസും ബൊട്ടഫാഗോയും തമ്മിലുള്ള മത്സരത്തിലാണ് നെയ്മർ ഇറങ്ങിയത്. മത്സരം 1-1 എന്ന സമനിലയിൽ അവസാനിച്ചു.

രണ്ടാം പകുതിയിൽ ആണ് നെയ്മർ സബ്ബായി കളത്തിൽ എത്തിയത്. നെയ്മർ മികച്ച നീക്കങ്ങൾ നടത്തി ആരാധകരെ കയ്യിലെടുത്തു. പക്ഷേ താരത്തിന് ഗോൾ നേടാനോ സാന്റോസിന്റെ വിജയം ഉറപ്പിക്കാനോ ആയില്ല. കഴിഞ്ഞ ആഴ്ച മാത്രമാണ് അൽ ഹിലാൽ വിട്ട് നെയ്മർ ബ്രസീലിയൻ ക്ലബ്ബായ സാന്റോസിലേക്ക് എത്തിയത്. മുമ്പ് സാന്റോസിലൂടെ ആയിരുന്നു നെയ്മർ കരിയർ ആരംഭിച്ചത്.

തൻറെ ഫിറ്റ്നസും ഫോമും വീണ്ടെടുക്കാൻ ശ്രമിക്കുന്ന നെയ്മർ ബ്രസീലിയൻ ക്ലബ്ബിലൂടെ തിരിച്ചുവന്ന് ഫോമിലേക്ക് ഉയർന്ന് ബ്രസീലിയൻ ദേശീയ ടീമിൻറെ പ്രധാന ഭാഗമായി മാറാനും 2026 ലോകകപ്പിൽ മികച്ച സംഭാവന നൽകാനുമാണ് ആഗ്രഹിക്കുന്നത്.

സൗദി പ്രോ ലീഗ് ടീമായ അൽ-ഹിലാൽ നെയ്മറിന്റെ കരാർ അവസാനിച്ചു, പരസ്പര സമ്മതത്തോടെ കരാർ അവസാനിപ്പിക്കുന്നതായി ക്ലബ് പ്രഖ്യാപിച്ചു. 32 കാരനായ ബ്രസീലിയൻ ഫോർവേഡ് 2023 ഓഗസ്റ്റിൽ 90 മില്യൺ യൂറോയ്ക്ക് ആയിരുന്നു (£77.6 മില്യൺ) അൽ-ഹിലാലിൽ ചേർന്നത്. ആകെ 7 മത്സരങ്ങൾ മാത്രമെ പരിക്ക് കാരണം നെയ്മറിന് കളിക്കാൻ ആയുള്ളൂ.

പ്രതിവർഷം 150 മില്യൺ യൂറോ (£129.2 മില്യൺ) വിലമതിക്കുന്ന രണ്ട് വർഷത്തെ കരാറിൽ ആയിരുന്നു താരം അൽ ഹിലാലിൽ ഉണ്ടായിരുന്നത്. 2023 ഒക്ടോബറിൽ ബ്രസീലിന്റെ ലോകകപ്പ് യോഗ്യതാ മത്സരത്തിനിടെ ഉണ്ടായ എ സി എൽ ഇഞ്ച്വറി ആണ് നെയ്മറിന് തിരിച്ചടിയായത്.

സാന്റോസിൽ തന്റെ കരിയർ ആരംഭിച്ച നെയ്മർ ബ്രസീലിയൻ ക്ലബ്ബിലേക്ക് തന്നെ മടങ്ങിവരുകയാണ്. സാന്റോസ് ക്ലബുമായി അൽ ഹിലാൽ ധാരണയിൽ എത്തിയിട്ടുണ്ട്. അടുത്ത ദിവസം തന്നെ താരം ബ്രസീലിൽ എത്തി മെഡിക്കൽ പൂർത്തിയാക്കും.

നെയ്മർ ബ്രസീലിലേക്ക് തിരികെ പോകുന്നു. ബ്രസീലിയൻ ടീമായ സാന്റോസുമായി അദ്ദേഹം വാക്കാലുള്ള കരാറിൽ എത്തിയതായാണ് റിപ്പോർട്ടുകൾ. നെയ്മറിന്റെ ബാല്യകാല ക്ലബ്ബാണ് സാന്റോസ്. നിലവിൽ സൗദി അറേബ്യൻ ക്ലബ്ബായ അൽ-ഹിലാലുമായി കരാറിലേർപ്പെട്ടിരിക്കുന്ന 32 കാരനായ ബ്രസീലിയൻ സൂപ്പർ താരം ക്ലബ് വിടും എന്ന് ഏതാണ്ട് ഉറപ്പാണ്.

കരാർ അന്തിമമാക്കുന്നതിനുള്ള ഔപചാരിക നടപടികൾ അടുത്ത ആഴ്ച പൂർത്തിയാകുമെന്ന് പ്രതീക്ഷിക്കുന്നതായി ട്രാൻസ്ഫർ വിദഗ്ധൻ ഫാബ്രിസിയോ റൊമാനോ പറയുന്നു.

അൽ-ഹിലാലിലെ നെയ്മറിന്റെ സമയം പരിക്കുകളാൽ പരിമിതമായിരുന്നു. 2023-ൽ 90 മില്യൺ യൂറോ ട്രാൻസ്ഫർ ഫീസിൽ സൗദി ക്ലബ്ബിൽ ചേർന്നതിനുശേഷം, അദ്ദേഹം ഏഴ് മത്സരങ്ങളിൽ മാത്രമേ കളിച്ചിട്ടുള്ളൂ. ഒരു ഗോൾ നേടുകയും മൂന്ന് അസിസ്റ്റുകൾ നൽകുകയും ചെയ്തു. 2023-ൽ എസിഎൽ എ സി എൽ ഇഞ്ച്വറി ആയതും തുടർന്നുള്ള ഹാംസ്ട്രിംഗ് പ്രശ്നങ്ങളും അദ്ദേഹത്തെ ഒരു വർഷത്തിൽ അധികം പുറത്തിരുത്തി.

ആദ്യ ഘട്ടത്തിൽ, 225 മത്സരങ്ങൾ സാന്റോസിനായി നെയ്മർ കളിച്ചിട്ടുണ്ട്. അവർക്ക് ആയി 136 ഗോളുകൾ അദ്ദേഹം നേടി. കോപ്പ ലിബർട്ടഡോറസ്, കോപ്പ ഡോ ബ്രസീൽ, ഒന്നിലധികം കാമ്പിയോനാറ്റോ പോളിസ്റ്റ കിരീടങ്ങൾ എന്നിവ നേടാൻ സാന്റോസിനെ സഹായിച്ചു.

നെയ്മർ ജൂനിയർ തന്റെ ആദ്യ ക്ലബായ സാന്റോസിലേക്ക് മടങ്ങിവരാൻ ഒരുങ്ങുന്നതായി റിപ്പോർട്ടുകൾ. അൽ ഹിലാൽ നെയ്മറിനെ ലീഗിനായി രജിസ്റ്റർ ചെയ്തിരുന്നില്ല. ഇതിനു പിന്നാലെ നെയ്മാർ അൽ ഹിലാൽ വിടാൻ ശ്രമിക്കുകയാണ്. ബ്രസീലിയൻ ക്ലബ് അൽ ഹിലാലിന് ഔദ്യോഗികമായി ലോൺ ഓഫർ നിർദ്ദേശം സമർപ്പിച്ചിട്ടുണ്ട്.

സാന്റോസ് നിലവിൽ സൗദി ക്ലബ്ബിന്റെ അംഗീകാരത്തിനായി കാത്തിരിക്കുകയാണ്, അവരുടെ പ്രതികരണത്തെ ആശ്രയിച്ചിരിക്കും ഈ നീക്കത്തിന്റെ അടുത്ത ചുവട്.

നെയ്മറിനായി ചിക്കാഗോ ഫയറും രംഗത്ത് ഉണ്ടെങ്കിലും സാന്റോസ് വളരെ മുന്നിലാണെന്ന് ഡിയാരിയോ ഡോ പീക്സെ, ക്ലെ മെർലോ എന്നിവരുൾപ്പെടെയുള്ള വൃത്തങ്ങൾ സ്ഥിരീകരിച്ചു. അടുത്ത ലോകകപ്പ് കൂടെ മനസ്സിൽ വെച്ചാണ് നെയ്മർ തന്റെ ജന്മനാട്ടിലേക്ക് മടങ്ങുന്നത്.