അഫ്ഗാനിസ്ഥാനെതിരായ മത്സരത്തിൽ പരിക്കേറ്റ മാറ്റ് ഷോർട്ടിന് ഓസ്ട്രേലിയയുടെ ചാമ്പ്യൻസ് ട്രോഫി സെമിഫൈനൽ നഷ്ടമാകും. ഷോർട്ടിന് സെമിക്ക് മുമ്പ് ഫിറ്റ്നസ് വീണ്ടെടുക്കുക പ്രയാസം ആയിരിക്കും എന്ന് ക്യാപ്റ്റൻ സ്റ്റീവൻ സ്മിത്ത് സമ്മതിച്ചു. ജേക്ക് ഫ്രേസർ-മക്ഗുർക്ക് ഷോർട്ടിന് പകരം ടീമിൽ എത്താൻ സാധ്യതയുണ്ട്. ഓൾറൗണ്ടർ ആരോൺ ഹാർഡിയും ടീമിൽ എത്താൻ സാധ്യതയുണ്ട്.
ഷോർട്ടിൻ്റെ പരിക്ക് ഓസ്ട്രേലിയയുടെ വിലയേറിയ സ്പിൻ ബൗളിംഗ് ഓപ്ഷനും ഇല്ലാതാക്കുന്നു, അഫ്ഗാനിസ്ഥാനെതിരെ അദ്ദേഹം ഏഴ് നല്ല ഓവറുകൾ എറിഞ്ഞിരുന്നു.
ഇംഗ്ലണ്ട് താരം ജോണി ബൈര്സ്റ്റോയ്ക്ക് പകരം ഓള്റൗണ്ടര് മാത്യു ഷോര്ട്ടിനെ ടീമിലെത്തിച്ച് പഞ്ചാബ് കിംഗ്സ്. 2022-23 ബിഗ് ബാഷിൽ മിന്നും പ്രകടനം നടത്തിയ താരം 450 റൺസാണ് നേടിയിട്ടുള്ളത്. പഞ്ചാബ് കിംഗ്സിലെ രണ്ടാമത്തെ ഓസ്ട്രേലിയന് താരം ആണ് ഷോര്ട്ട്. നഥാന് എല്ലിസ് ആണ് മറ്റൊരു താരം.
പരിക്ക് പൂര്ണ്ണമായി മാറാത്തതിനാൽ ഇംഗ്ലണ്ട് ബോര്ഡ് ജോണി ബൈര്സ്റ്റോയ്ക്ക് ഐപിഎൽ കളിക്കുവാന് അനുമതി നൽകിയില്ലെന്നാണ് ലഭിച്ച റിപ്പോര്ട്ടുകള്. താരം റീഹാബ് പ്രക്രിയ പൂര്ത്തിയാക്കിയില്ലെന്നാണ് അറിയുന്നത്. അതിനാൽ തന്നെ ഇംഗ്ലണ്ടിന്റെ ഭാവി ഫിക്സ്ച്ചറുകള് പരിഗണിച്ച് താരത്തിന് ഇംഗ്ലണ്ട് ക്രിക്കറ്റ് ബോര്ഡ് അനുമതി നിഷേധിക്കുകയായിരുന്നു.
