Tag: Liam Delap

ചെൽസി സ്‌ട്രൈക്കർ ലിയാം ഡെലാപ്പിന് ഹാംസ്ട്രിങ് പരിക്ക് കാരണം 10 മുതൽ 12 ആഴ്ച വരെ കളിക്കളത്തിൽ നിന്ന് വിട്ടുനിൽക്കേണ്ടി വരുമെന്ന് ചെൽസി പരിശീലകൻ എൻസോ മറേസ്ക സ്ഥിരീകരിച്ചു. ഫുൾഹാമിനെതിരായ പ്രീമിയർ ലീഗ് മത്സരത്തിനിടെയാണ് ഡെലാപ്പിന് പരിക്കേറ്റത്. കളിയുടെ തുടക്കത്തിൽ തന്നെ പരിക്ക് കാരണം ഡെലാപ്പിന് കളം വിടേണ്ടി വന്നിരുന്നു.

ഡെലാപ്പ് സുഖം പ്രാപിക്കാൻ കൂടുതൽ സമയം വേണ്ടിവരുമെന്നും മറേസ്ക പറഞ്ഞു. ഇപ്‌സ്‌വിച്ച് ടൗണിൽ നിന്ന് അടുത്തിടെ ചെൽസിയിലെത്തിയ ഡെലാപ്പിന്റെ മികച്ച പ്രകടനത്തിനിടെയുണ്ടായ ഈ പരിക്ക് ടീമിന് വലിയ തിരിച്ചടിയാണ്. ബയേൺ മ്യൂണിക്ക്, ലിവർപൂൾ തുടങ്ങിയ ശക്തരായ എതിരാളികളുമായി വരാനിരിക്കുന്ന മത്സരങ്ങളുള്ളതിനാൽ പ്രീമിയർ ലീഗ്, ചാമ്പ്യൻസ് ലീഗ് മത്സരങ്ങളുടെ തുടക്കത്തിൽ തന്നെ ഇത് ടീമിന്റെ പദ്ധതികളെ ബാധിക്കും. ഡെലാപ്പിന്റെ അഭാവം നികത്താൻ യുവ സ്‌ട്രൈക്കർ മാർക് ഗിയുവിനെ ചെൽസി ലോണിൽ നിന്ന് തിരിച്ചുവിളിച്ചിട്ടുണ്ട്.

22 കാരനായ ഇപ്സിച് ടൗൺ സ്ട്രൈക്കർ ലിയാം ഡിലാപ്പ് ചെൽസിയിലേക്ക് ചേക്കേറാൻ ഒരുങ്ങുന്നു. മാഞ്ചസ്റ്റർ യുണൈറ്റഡ്, ന്യൂകാസിൽ, എവർട്ടൺ, നോട്ടിംഗ്ഹാം ഫോറസ്റ്റ്, എസി മിലാൻ, യുവൻ്റസ് തുടങ്ങിയ മറ്റ് ക്ലബ്ബുകളുടെ ഓഫറുകൾ ഡെലാപ്പ് നിരസിച്ചു എന്ന് അത്ലറ്റിക് റിപ്പോർട്ട് ചെയ്യുന്നു.

ഡിലാപ്പിന്റെ കരാറിലെ 30 ദശലക്ഷം പൗണ്ടിൻ്റെ റിലീസ് ക്ലോസ് ചെൽസി ഉടൻ നൽകും എന്നും വ്യക്തിപരമായ കരാറിൽ അന്തിമ തീരുമാനത്തിലെത്തുമെന്നുമാണ് പ്രതീക്ഷിക്കുന്നത്. ഇപ്സിച് തരംതാഴ്ത്തപ്പെട്ടെങ്കിലും കഴിഞ്ഞ സീസണിൽ 12 പ്രീമിയർ ലീഗ് ഗോളുകൾ നേടി ദിലാപ്പ് മികച്ച പ്രകടനം കാഴ്ചവെച്ചിരുന്നു.

ഡിലാപ്പിനെ അവരുടെ പ്രധാന സ്ട്രൈക്കർ ലക്ഷ്യമായി കണ്ട മാഞ്ചസ്റ്റർ യുണൈറ്റഡിന് ഇത് തിരിച്ചടിയാണ്. മാത്യൂസ് കുഞ്ഞ്യയുടെ വരവ് ഒരു പരിധി വരെ യുണൈറ്റഡിലെ അറ്റാക്കിംഗ് പ്രശ്നങ്ങൾക്ക് പരിഹാരമാകുമെങ്കിലും, ഒരു പ്രധാന സ്ട്രൈക്കർക്ക് ആയുള്ള അവരുടെ അന്വേഷണം തുടരുകയാണ്. വിക്ടർ ഗ്യോകെറസ്, വിക്ടർ ഒസിംഹെൻ, ബ്രയൻ എംബ്യൂമോ എന്നിവരെയും യുണൈറ്റഡ് പരിഗണിച്ചിരുന്നു, എന്നാൽ ചാമ്പ്യൻസ് ലീഗ് യോഗ്യത ഇല്ലാത്തത് യുണൈറ്റഡിന് വെല്ലുവിളി ആകുന്നു.