പ്രഥമ പ്രോ വോളി ലീഗിന് കൊച്ചിയിൽ ആവേശ തുടക്കം. ഇന്ന് നടന്ന ആദ്യ മത്സരത്തിൽ കൊച്ചിയുടെ ടീമായ കൊച്ചി ബ്ലൂ സ്പൈകേഴ്സ് യു മുംബയെ പരാജയപ്പെടുത്തി. 4-1 എന്ന് ആയിരുന്നു സെറ്റ് നില. ഏകപക്ഷീയമായ മത്സരമാണ് കൊച്ചിയിൽ കണ്ടത്. 15-11, 15-13, 15-8, 15-10 എന്നീ സ്കോറുകൾക്ക് ആദ്യ നാലു സെറ്റ് വിജയിച്ച കൊച്ചി സ്പൈകേഴ്സ് പക്ഷെ അവസാന സെറ്റ് കൈവിട്ടു. 5-15നാണ് യു മുംബ അവസാന സെറ്റ് ജയിച്ചത്.
കൊച്ചി ബ്ലൂസ് സ്പൈകേഴ്സിന്റെ ക്യാപ്റ്റൻ ഉഗ്രപാണ്ഡിയനെ കളിയിലെ മികച്ച താരമായി തിരഞ്ഞെടുത്തു. നാളെ പ്രൊ വോളിയിൽ കാലികറ്റ് ഹീറോഴ്സ് ചെന്നൈ സ്പാർടാൻസിനെ നേരിടും.
